АҞӘА, мшаԥымза 3 — Sputnik. Евгени Евтушенко еицырдыруаз апоет, апрозаик, арежиссиор, апублицист, актиор иԥсҭазаара далҵит асабша, мшаԥымза акы азы. Абри атәы аанацҳауеит РИА Новости.
Евтушенко ԥшәмаԥҳәыс Мариа Новикова илҳәеит апоет игәы аангылеит ҳәа.
"Иҭаацәа, игәакьацәа рыгәҭа дшыҟаз иԥсҭазаара далҵит", ҳәа адырра ҟалҵеит лара.
Евгени Евтушенко диит 1932 шықәса рзы Иркутсктәи аобласт аҟны. Иара иҩымҭаны иҟоуп 19 поема. Иара убасгьы деицырдыруан прозаикк, режиссиорк, сценаристк иаҳасаб ала. 1991 шықәса рзы нхараҳәа диасит Америкаҟа. Оклохома аштат аҟны рҵаҩыс аус иуан.
