Автоинспекциа аиҳабы: 99% аусзуҩцәа русура иамхтәуп

© Sputnik Томас ТхайцукААИ (ГАИ)
ААИ (ГАИ) - Sputnik Аҧсны
Анапаҵаҩра
Ауаажәларратә палатаҟны имҩаԥысит аилатәара 2017 шықәсазтәи акурорттә сезон аҽазыҟаҵара иазкны. Аилатәара рҽаладырхәит Аҟәа Ахадара, Акурортқәеи атуризми рминистрра, Аҩныҵҟатәи аусқәа рминистрра, Ахәаахәҭра-ааглыхратә палата, Аҭагылазаашьа ҷыдақәа рминистрра рхаҭарнакцәа.

АҞӘА, мшаԥымза 6 – Sputnik, Бадри Есиава. Ауаажәларратә палатаҟны имҩаԥысит аилатәара 2017 шықәсазтәи акурорттә сезон аҽазыҟаҵара иазкны. Аилатәара рҽаладырхәит Аҟәа Ахадара, Акурортқәеи атуризми рминистрра, Аҩныҵҟатәи аусқәа рминистрра, Ахәаахәҭра-ааглыхратә палата, Аҭагылазаашьа ҷыдақәа рминистрра рхаҭарнакцәа. Аилатәара иалахәыз Аԥсны аҳәынҭқарратә автоинспекциа аиҳабы Наур Смыр иҳәеит инапаҵаҟа иҟоу ауаа реиҳараҩык рпрофессионалтә ҩаӡара лаҟәны ишибо.

"ААИ (ГАИ) аилазаара аҟынтәи иахьатәи аамҭазы 99% рыҩныҟақәа исышьҭуан", — иҳәеит иара. Иара убасгьы дазааҭгылеит автоинспекциа аматериал-техникатә ҭагылазаашьагьы ауадаҩра. Амаҵзуратә автотранспорт, аусзуҩцәа цәамаҭәала реиқәыршәара ирзоурыжьуа аԥара маҷуп. Имаҷуп аулафахәгьы, ҳәа иҳәеит Смыр.

Смыр иажәақәа рыла иҟоу апроблемақәа аусзуҩцәа рҟазара аизырҳара иаԥырхагоуп.

Ауаажәларратә палата аилатәараҟны ирылацәажәан актуалра злоу азҵаарақәа. Апалата амаӡаныҟәгаҩ Наҭела Акаԥҳа лажәақәа рыла аилатәара ашьҭахь иазырхиахоит алкаақәа, урҭ еиуеиԥшым аусбарҭақәа рахь инашьҭхоит.

Ажәабжьқәа зегьы
0