Ашыжь асааҭ ааба рзы Sputnik акрреспондентцәа Дәрыԥшь ақыҭан Нанули Кәҵниа-Кәакәасқьыр дахьынхо агәараҭа агәашә инадгылеит. Акәтқәа, аҳәарақәа рыбжьы гоит, ақыҭа аԥсҭазаара аилашра иаҿуп.
Аԥшәмаԥҳәыс илҳәоит, сара сыжәқәа асааҭ быжьба рзы исхьоит, ахшлых шьыжьнаҵы исыдыскылоит ҳәа. Ҩынҩажәа шықәса иреиҳауп Нанули Кәыҵниа-Кәакәасқьыр Дәрыԥшь ақыҭан дынхоижьҭеи.
Нанули шьҭрала Очамчыра араион Аҭара ақыҭа датәуп. Гәдоуҭаҟа нхара саауеит ҳәа сгәы иҭамызт, лҳәоит лара. Аԥсуа нхара ишаԥу еиԥш аԥмаԥҳәыс лҭаацәеи лареи ирымоуп акәтқәа, акәҷышьқәа, ажәқәа, аҳәарақәа рацәаны.
1/14
© Sputnik / Илона Хварцкия
Иахьазы, Нанули хә-жәык лхьоит, ҩажәа литра инеиҳаны ахш лоуеит. Лара ишылҳәо ала, ажәқәа рбара аџьабаа шацугьы, ахшлых уара утәы аныҟоу еиӷьу акгьы ыҟам.
2/14
© Sputnik / Илона Хварцкия
Аԥшәмаԥҳәыс илҳәоит, сара сыжәқәа асааҭ быжьба рзы исхьоит, ахшлых шьыжьнаҵы исыдыскылоит ҳәа.
3/14
© Sputnik / Илона Хварцкия
Ажәқәа рбара, унапаҿы аагара уадаҩуп, рыгәшәымшә аҳәашьа уақәымшәар ахш урҭом, лҳәоит лара. Дәрыԥшь ақыҭан ҳахьықәынхо арахә рбара уадаҩуп, ҳәа дахашшаауеит аԥшәмаԥҳәыс.
4/14
© Sputnik / Илона Хварцкия
Ажәқәа зегьы ирзыхьаӡом, рнапаҿы иааиӡом, унацәкьарақәеи умахәҿи ӷәӷәазар ауп.
5/14
© Sputnik / Илона Хварцкия
Ахш зегьы раӡаны аӡхьарша алҭоит, ахш ақаҭәара ҵасӡам ҳәа рҳәоит. Ашьҭахь ахш ацыр алҭоит.
6/14
© Sputnik / Илона Хварцкия
Ажә аца сырҩҩоит, абанка ду аҟны ахыз аҵасҭәоит, аџыш цырақәа ҟасҵоит иарцаҳә-цаҳәоит ҳәа, алаҳа амахәқәа хԥа ахәыҷқәа ҭасыршәоит - иарџьбароит ҳәа иԥхьаӡаны, аџьыкхыш асҭоит, ҳәа лҳәоит Нанули.
7/14
© Sputnik / Илона Хварцкия
Ахш ацыр анаклакгьы ибаҟаӡа ахырҵәы еиԥш иҟалоит.
8/14
© Sputnik / Илона Хварцкия
Нанули Кәыҵниа-Кәакәасқьыр ацыр ахш илымоу азԥхьагәаҭаны блала иҟалҵоит, акгьы лзаӡом.
9/14
© Sputnik / Илона Хварцкия
Ҩынҩажәа шықәса иреиҳауп Нанули Кәыҵниа-Кәакәасқьыр Дәрыԥшь ақыҭан дынхоижьҭеи. Нанули шьҭрала Очамчыра араион Аҭара ақыҭа датәуп. Гәдоуҭаҟа нхара саауеит ҳәа сгәы иҭамызт, лҳәоит лара.
10/14
© Sputnik / Илона Хварцкия
Ажә анхьалакгьы, мчыбжьык ахш лыдылкылаӡом, нас ианрымшьшьароу аԥшьашьа аҽны илныҳәоит. Ажәқәа рынцәахәы Жәабран "шәрахәымшхааит" ҳәа дрымҵаныҳәоит.
11/14
© Sputnik / Илона Хварцкия
Ицәԥсыз ашәаӡа адырҩаҽны еилалҵоит
12/14
© Sputnik / Илона Хварцкия
Ашәха аилаҵаразы ачуан аӡы рацәамкәа инҭаҭәаны амца иақәыргылатәуп.
13/14
© Sputnik / Илона Хварцкия
Аӡы аиларшра рацәаны иҟалом, избан акәзар зынӡа ашә тырруа иҟалар алшоит, еиламларгьы ҟалоит.
14/14
© Sputnik / Илона Хварцкия
Нанули Кәҵниа-Кәакәасқьыр лажәақәа рыла, шаҟа шықәса ахшлых ҟалҵо ашә узымфо лнапаҿы имааиуа иҟамлацт.
