АҞӘА, лаҵарамза 18 — Sputnik, Владимир Бегунов. Аԥқьаҭхәмаррази анапылампыли рзыи Аԥснытәи акомандақәа ҩба алахәхоит Казан имҩаԥысраны иҟоу аџьынџьуаа ҿарацәа Адунеизегьтәи рыхәмаррақәа рҟны. Акоманда иалахәу ахәыҷқәа рықәра 12 — 14 инаӡоит, иҳәеит Аԥсны иҟоу Россотрудничество ахаҭарнакра анаукатә усзуҩы Евгени Павлов.
Павлов иажәақәа рыла Аԥснытәи акоманда ҩеижәижәаба команда рыгәҭа аабатәи аҭыԥ ааннакылеит. Анапылампыл азы ахәмаррақәа амҩаԥысра иаҿуп.
"Ҳара ҳаспортсменцәа урыстәылатәи акомандақәа ириааиит. Ҵыԥх иаҵахазар, сынтәа аиааира ргеит", — иҳәеит Евгени Павлов.
Ахәыҷқәа ирыцуп Аҟәатәи ахәыҷтәы спорттә школ адиректор Татиана Емхааԥҳаи азыҟаҵаҩ Татиана Гудковеи.
Ахәмаррақәа мҩаԥысуеит лаҵарамза 20 рҟынӡа. Сынтәатәи ахәмаррақәа ирылахәуп адунеи атәылақәа 50 рҟынтәи аспортсменцәа.
