АҞӘА, лаҵарамза 31 – Sputnik, Роберт Џьопуа. Ԥшь-нызқь километра рҟынӡа дырхысхьеит Ҭырқәтәылаҟа анеира зыгәҭаку узбекисҭантәи амаланыҟәарныҟәаҩ Адахан Хасанов. Иара уажәы Аҟәанӡа дааихьеит.
Арадио Sputnik аинтервиу аҭо Хасанов иҳәеит, иара ишихықәку амаланыҟәатә туризм аҿиара рыларҵәара.
"Сара сныҟәарала ауаа рыларҵәара сҭахуп аиҩызара ажәларқәа рыбжьара", — иҳәоит Хасанов.
Хасанов иажәақәа рыла Ҟазахсҭани Урыстәылеи дрылсны Ташкентынтәи Аҟәанӡа иаара ҩымз дадхалеит. Абри аамҭала иара ԥшьнызқь километра дахысит.
"Сымҩаҟны исԥылеит агәыҭбаара ду здызбалаз аӡәырҩы. Ус иҟоу ауаа рацәаҩуп Аԥсынгьы. Сара ара сыԥхьареи сыфареи рзы мааҭкгьы аӡәгьы исымимхит", — иҳәеит иара.
Аԥсны абаҩырҵәыреи аспорти рзы Аҳәынҭеилакы ахантәаҩы ицхырааҩ Артур Адлеиба иазгәеиҭеит аныҟәаҩ Аԥсны дшааиз еиԥш аҳәынҭеилакы ахь дышнеиз.
Ташкенттәи амаланыҟәарныҟәаҩ иҳәеит аҽа мышқәак Аԥсны аанхара игәы ишҭоу, нас Қырҭтәыла далсны Ҭырқәтәылаҟа ацара шигәҭаку.
Артур Адлеиба ақырҭуа ҳәааҟны аныҟәаҩ апроблемақәа изцәырҵыр ҳәа ашәара имоуп. Амаланыҟәарныҟәаҩ иакәзар, усеиԥш ҟаларым ҳәа дгәыӷуеит.
