АҞӘА, рашәарамза 12– Sputnik, Владимир Бегунов. Аԥсны амилаҭтә команда азыҟаҵаҩ Беслан Аџьынџьал иажәақәа рыла Аԥснытәи акоманда ишазыԥшыз еиԥш ахы азаамырԥшит, аха иара убри аан ирылшоз зегь ҟарҵеит ашьапылампыл асыҩцәа.
Акоманда ахәмарра ахәшьара аҭо Беслан Аџьынџьал иҳәеит алагамҭазы ахы бзианы ишаанарԥшыз.
"Иҟоу шыҟоугьы афиналбжа аҟынӡа ҳнеит. Ахԥатәи аҭыԥ агаразы ҳақәгылараан аемоциақәа ҳацәмаҷхеит", — иҳәеит иара.
Акоманда алахәылацәа дрылацәажәо азыҟаҵаҩ иҳәеит 2016 шықәса рзы адунеи иачемпионхаз акоманда аилазаареи уажәтәи акоманда аилазаареи еиҩырго рацәак шыҟам.
ConIFA аверсиала Европа иачемпионхеит Паданиатәи еизгоу акоманда.
Аԥсны амилаҭтә команда азыҟаҵаҩ Беслан Аџьынџьал иажәақәа рыла Аԥснытәи акоманда ишазыԥшыз еиԥш ахы азаамырԥшит, аха иара убри аан аиааиразы ирылшоз зегь ҟарҵеит ашьапылампыл асыҩцәа.
Аџьынџьал иажәақәа рыла акоманда уажәшьҭантәи адунеи ачемпионат аҟынӡа аԥсшьарахь ицоит.
"Ҳара иалҳаԥшаалароуп аспорт аганахь ала аҟыбаҩ ҷыда змоу аҿар. Урҭ азыҟаҳҵалароуп", — иҳәоит Аџьынџьал.
Иара ҭабуп ҳәа реиҳәеит акоманда адгылара арҭарц Кипрҟа инеиз Аԥсны атәылауаа.
