АҞӘА, рашәара 29– Sputnik. Рашәара 30 рзы Аҟәа ақалақь агәы, Ажәытә ҳабла, ашьха иахьаԥну, Алашарбага аҳабла, ВИЕМ аҳабла рҟны аӡыржәтә анашьҭра аанкылахоит. Абри атәы аанацҳауеит АУН "Аӡыканал".
"Рашәара 30 2017 шықәса, асааҭ 00:00 инаркны 18:00 рҟынӡа Аҟәа ақалақь агәы, Ажәытә ҳабла, ашьха иахьаԥну, Алашарбага аҳабла, ВИЕМ аҳабла рҟны аӡыржәтә анашьҭра аанкылахоит", — ҳәа аанацҳауеит АУН "Аӡыканал".
Аӡы аанкылахоит Лакоба имҩеи Инал-иԥа имҩеи рҟны имҩаԥгахо аремонт-еиҭашьақәыргыларатә усурақәа ирымаданы.
