Ацәыргақәҵа "Спорт сквозь призму искусства" Гәдоуҭа имҩаԥысраны иҟоуп

© Sputnik / Томас ТхайцукАцәыргақәҵа "Спорт сквозь призму искусства" Гәдоуҭа имҩаԥысуеит
Ацәыргақәҵа Спорт сквозь призму искусства Гәдоуҭа имҩаԥысуеит - Sputnik Аҧсны
Анапаҵаҩра
НовостиTelegram
Апроект "Colors of nation" алахәылацәа, афотоҭыхыҩцәа, асахьаҭыхыҩцәа ицәырыргоит еиуеиԥшым аспорт хкқәа ирызку русумҭақәа.

АҞӘА, ԥхынгәы 27– Sputnik, Амра Амҷԥҳа. Ақәҿиарақәа аспорт аҿы иаазырԥшыз ирызку афотосахьақәеи аҭыхымҭақәеи цәыргахоит ацәыргақәҵа "Спорт сквозь призму искусства" аҟны. Абри атәы радио Sputnik аинтервиу анеиҭоз иаҳзеиҭеиҳәеит асахьаҭыхыҩ, амузыкант, акоманда "Colors of nation" алахәыла Ерик Миқаа.

"Иарбанызаалак ҳтәылауаҩ иоуз ақәҿиара, ихәыҷы-иду, ареспубликазы хәшьара дууп", — иҳәоит Миқаа.

"Акоманда "Colors of nation" иазцәырҵит аидеиа – аспорт, аҟазара, арҿиара, арҭ зегьы еидҳәало, еиныруа роуп ҳәа. Ҳкоманда алахәылацәа инарҭбааны ихәыцуа роуп. Ҳаамҭазтәи абызшәала иуҳәозар, ирылшоит еиламыӡҩо реилаӡҩара", — иҳәоит иара.

Ацәыргақәҵа мҩаԥгахоит Гәдоуҭа. Аиҿкааҩцәа макьаназ иара аӡбахә нарҭбааны идырзом. Иара убри аан иазгәарҭоит апрограмма аинтерес аҵаны ишыҟало.

"Ацәыргақәҵахь инаԥхьоуп аспортсменцәа дуқәа, инаԥхьоуп макьаназ зыхьӡ рзымдыруагьы. Даара иаҳҭахуп урҭ рықәҿиарақәагьы ауаа ирдыруа, ираҳауа иҟалар", — иҳәоит Ерик Миқаа.

Ацәыргақәҵа амҩаԥгараз Гәдоуҭа залышәхи ҳәа азҵаара аҭакс акоманда "Colors of nation" алахәыла иазгәеиҭеит, ареспублика егьырҭ ақалақьқәагьы рӡыргара шаҭаху.

"Ҳәарада ҳара зегьы аиҳарак ҳалаԥш ззырхо ҳаҳҭнықалақь ауп, аха ҳара ҳкоманда уажәы иаӡбеит егьырҭ Аԥсны ақалақьқәагьы ирызхьаԥшлатәуп, аганахь иаважьтәым ҳәа. Аҟәа иара усгьы имаҷымкәа еиуеиԥшым ауснагӡатәқәа мҩаԥысуеит. Егьырҭ ақалақьқәа рҟынтәи аҿар еснагь арахь изаауам. Ус анакәха ҳара уахь ҳнеироуп", — иҳәеит Миқаа.

Иара убасгьы маҷк амаӡа ааиртит – иҳәеит ахәылԥаз музыкатә программала ишхыркәшахо, уи ишалахәхо аишьцәа Ҳагаа.

Ҵыԥх ацәыргақәҵа мҩаԥган Гагра, сынтәа нанҳәа 2 рзы уи Гәдоуҭа имҩаԥгахоит.

Ажәабжьқәа зегьы
0