Гепатит адиагностика мҩаԥысуеит Аҟәа

Анапаҵаҩра
НовостиTelegram
Есышықәса, ԥхынгәы 28 рзы адунеи атәылақәа жәпакы рҟны имҩаԥыргоит агепатит иаҿагыланы ақәԥара адунеизегьтәи Амш.

АҞӘА, ԥхынгәы 28 – Sputnik, Роберт Џьопуа. Гепатит, ВИЧ-инфекциа, асифилис рымазааразы ашьагәаҭара мҩаԥнагоит СПИД иаҿагыланы ақәԥаразы Ацентр. Абри атәы ҳзаалыцҳаит ацентр алабараториа аиҳабы лнапынҵақәа назыгӡо Саида Палԥҳа.

"Гепатит, ВИЧ-инфекциа, асифилис рымазааразы ашьагәаҭара мҩаԥнагоит. Дасу илшоит ихы гәеиҭарц", — лҳәоит Палԥҳа.

Аҳақьым лажәақәа рыла ареспубликаҿы арҭ ачымазарақәа маҷуп ҳәа узҳәом, убри азы дарбанызаалак ишьа гәеиҭарц ахәҭоуп.

"Ҳара зегьы "группа риска" ҳаҵанакуеит: аӡәы аманикиур, апедикуиур ҟаиҵоит, аҽаӡәы ататуировка ҟаиҵоит. Ауаа зегьы ашәарҭара агәыԥ иаҵанакуеит", — лҳәоит аҳақьым.

Саида Палԥҳа иазгәалҭеит ашьагәаҭара шымҩаԥысуа ԥхынгәы 28 рзы, асааҭ 10 инаркны 15 рҟынӡа, Ареспубликатә хәышәтәырҭа ацәа-венерологиатә диспансер аҿаԥхьа игылоу еиҭаҵуа алабораториаҿы.

2010 шықәса рзы ААЕ (ВОЖ) ԥхынгәы 28 агепатит иаҿагыланы ақәԥара Амш (World Hepatitis Day) ауп ҳәа рыланаҳәеит.

Ажәабжьқәа зегьы
0