АҞӘА, нанҳәа 3— Sputnik, Амра Амҷԥҳа. Атәылахьчара аминистрра иатәу ашьҭаҵарҭақәа рҟны нанҳәа 2 асааҭ 16:30 рзы аԥжәарақәа ҟалеит. Нанҳәа 3 ашьыжь, Аҭагылазаашьа ҷыдақәа рминистрра аусзуҩцәа иҭахаз атуристцәа рыԥсыбаҩқәа рбеит. Абри атәы ааицҳаит Аҭагылазаашьа ҷыдақәа рминистрра апресс-маӡаныҟәгаҩ Мизан Ломиа.
"Ашьыжь аԥшааҩцәа аԥжәара ахьыҟалаз ааигәа-сигәа аԥшаарақәа анымҩаԥыргоз ирбеит ҩыџьа атуристцәа рыԥсыбаҩқәа", — иҳәеит иара.
Иҭахаз Санкт-Петербургтәи атуристцәа: Елена Полиакова, 1970 шықәса рзы иизи Елена Тимофеева, 1962 шықәса рзы иизи роуп.
"Подольсктәи атуристка Елена Владимир-иԥҳа Дмитриева, 1954 шықәса рзы ииз, лнапы ԥҵәаны аашаанӡа абнараҟны дтәан", ҳәа еиҭеиҳәоит Ломиа.
60-ҩык инареиҳаны ареспублика ахәышәтәырҭақәа рахь инагоуп.
