АҞӘА, нанҳәа 3 – Sputnik. Атәылахьчара аминистрра иатәу ашьҭаҵарҭақәа рҟны нанҳәа 2 асааҭ 16:30 рзы аԥжәарақәа ҟалеит. Аџьаԥҳанышьҭаҵарҭа аԥжәараан иҭахаз Санкт-Петербургнтәи атуристцәа ҩыџьа амчыбжь нҵәаанӡа рыԥсадгьыл ахь иргоит. Абри атәы ааицҳаит асоциалтә политиказы ақалақьтә еилакы аиҳабы Александр Ржаненков ҳәа адырра ҟанаҵоит РИА Новости.
Атәылахьчара аминистрра иатәу ашьҭаҵарҭақәа рҟны нанҳәа 2 асааҭ 16:30 рзы аԥжәарақәа ҟалеит. Нанҳәа 3 асааҭ 9 рзы ареспубликатә хәышәтәырҭақәа рахь инаган 64-ҩык ауаа. Абри атәы иҳәеит аминистр Ҭамаз Ҵахнакьиа Ареспубликатә хәышәтәырҭаҿ имҩаԥигаз апресс-конференциаҟны.
"Аахақәа зауз рҟынтәи ареспубликатә хәышәтәырҭахь иаагоуп 17-ҩык, 8-ҩык ахәышәтәра иахысуеит, егьырҭ раԥхьатәи ацхыраара анрырҭа ашьҭахь рыҩныҟақәа иоушьҭуп", — иҳәеит Ҵахнакьиа.
Гәдоуҭатәи ахәышәтәырҭахь инагоуп 44-ҩык, Гагратәи ахәышәтәырҭахь 3-ҩык, Афон ҿыцтәи ахәышәтәырҭахь ҩыџьа.
Ржаненков иажәақәа рыла ақалақь анапхгара азыхиоуп иҭахаз рҭаацәа ацхыраара рыҭара.
