ПРИМОРСКОЕ, нанҳәа 10 — Sputnik, Бадраҟ Аҩӡба. Еизаз рахь инеиз Аԥсны Атәылахьчара аминистр Мираб Кьышьмариа иҳәеит иԥымжәаз аминақәеи аснариадқәеи амчыбжь аҩныҵҟа иалыршаны иқәгахоит ҳәа.
Ақыҭауаа руҭрақәа, рбаҳчақәа рахь ишәаны изнеиуам.
"Макьаназы аминақәа рылакьысра ҟалом, иԥжәар рылшоит. Аамҭа ҳҭахуп", — ҳәа иҳәоит.
Арезервистцәа ҳацырхырааны аҭыԥқәа ҳрыцқьоит, иҳәеит Кьышьмариа.
Анзора Сақаниа ишиҳәаз ала ақыҭауаа ацентртә трасса аанкылара рыгәҭакын, аха акыр ианеилацәажәа ашьҭахь уи аԥдырҟәҟәааит.
Уажәазы ауаа Аԥыза-министр изыԥшуп.
Аџьаԥҳанышьҭаҵарҭаҟны иҟалаз аԥжәарақәа ирыхҟьаны 60-ҩык рҟынӡа аахақәа роуит, ҩыџьа Урыстәыла атәылауаа ҭахеит. Аԥхасҭа рыҭоуп анхацәа рыҩнқәа.
