Трамп: ЕАШ азыхиоуп КНДР апроблема аӡбразы арратә мчы ахархәара

© AFP 2023 / SAUL LOEB Трамп: ЕАШ азыхиоуп КНДР апроблема аӡбразы арратә мчы ахархәара
Трамп: ЕАШ азыхиоуп КНДР апроблема аӡбразы арратә мчы ахархәара - Sputnik Аҧсны
Анапаҵаҩра
Трамп аҳәамҭа ҟаиҵеит ЕАШ Аҩада Кореиатәи аиадертә шәарҭара шаԥдырҟәҟәаауа азы.

АҞӘА, нанҳәа 14 — Sputnik. ЕАШ-и Франциеи рпрезидентцәа Дональд Трампи Еммануель Макрони ҭелла иалацәажәеит КНДР акәша-мыкәшатәи аҭагылазаашьа. Абри атәы аанацҳауеит Аҩны шкәакәа апресс-маҵзура ҳәа адырра ҟанаҵоит РИА Новости.

"Апрезидент Трамп аҳәамҭа ҟаиҵеит Еиду америкатәи аштатқәа шазыхиоу егьырҭ атәылақәа инарывагыланы адипломатиатә, аекономикатә уснагӡатәқәа рымҩаԥгара. Уи азымхоны иҟалар, арратә мчрагьы ахархәара алшоит", ҳәа аҳәоит апресс-маҵзура.

Апрезидент Трампи апрезидент Макрони иазгәарҭеит ООН асанкциақәагьы ахархәара рыҭахар шалшо азы.

Нанҳәа алагамҭазы ООН Ашәарҭадаратә хеилак КНДР аганахь ала иаднакылеит арезолиуциа ҿыц. Уи иарӷәӷәоит иҟоу асанкциақәа.

КНДР акәзар урҭ асанкциақәа ирызхьамԥшыкәа аракетақәа рԥышәара шымҩаԥнагац имҩаԥнагоит.

Абри амчыбжь азы Пхениани Вашингтони акыр еиҿаххит. Аҩада Кореиаа рыруаа адгьылбжьаха Гуам игылоу США арратә обиектқәа ракетала ирылахысыр алшоит.

Гуам игылоуп америкатәи авиабаза Андерсени арра-мшынтә база Апра-Харбори.

Ажәабжьқәа зегьы
0