АҞӘА, нанҳәа 21 — Sputnik. Жәларбжьаратәи ааглыхратә цәыргақәҵа, Дамаск ақалақь аҟны имҩаԥысуаз атеррористцәа еихсит. Ԥшьҩык аҭааҩцәа ҭахеит, ԥшьҩык ахәрақәа роуит. Абри атәы аанацҳауеит РИА Новости.
Жәларбжьаратәи ааглыхратә цәыргақәҵа мҩаԥысуеит Дамаск ақалақь аҟны раԥхьаӡа акәны фышықәса раахыс.
"Жәларбжьаратәи ааглыхратә цәыргақәҵа, Дамаск ақалақь аҟны имҩаԥысуаз атеррористцәа еихсит. Ԥшьҩык аҭааҩцәа ҭахеит, ԥышьҩык ахәрақәа роуит аракетатә снариадқәа ахьрылаҳаз инамаданы", — ҳәа аанацҳауеит РИА Новости.
Дамасктәи Жәларбжьаратәи ааглыхратә цәыргақәҵа Шьамтәылан аибашьра ҟалаанӡа Мрагылараааигәатәи арегион аҟны иреиҳау ҳәа иԥхьаӡан. Раԥхьаӡа акәны иара мҩаԥган 1954 шықәса рзы.
Уаанӡа, Шьамтәыла ацәыргақәҵақәа рдиректор хада Фарес аль-Киртли аҳәамҭа ҟаиҵахьан ацәыргақәҵа 43 тәыла алахәхоит ҳәа.
