АҞӘА, нанҳәа 31, Sputnik апресс-маҵзура. Аинформациатә маҵзуреи арадиои Sputnik иара убасгьы акәашаратә коллектив "Тодес" имҩаԥыргеит амастер-класс апарк Музеон аҟны апроект "Ты супер! Танцы" алахәылацәа рзы.
Алла Духова лтеатр иналукааша асолистцәа акәашаҩцәа қәыԥшцәа арепетициа рыцымҩаԥыргеит, ҳаамҭазтәи акәашарақәа релементқәа ддырбеит. Ари аԥышәа ахәыҷқәа ирыхәараны иҟоуп цәыббра 2 рзы ихацыркхо апроект аҿы.
"Ҳара агәахәара ду ҳамоуп апроект "Ты супер! Танцы" жәларбжьартә проектны иахьаҳзыҟаҵаз азы. Ҳредакциа алшарала имҩаԥган акастингқәа атәылақәа жәаба: Аԥсны, Азербаиџьан, Ермантәыла, Белоруссиа, Ҟазахсҭан, Кыргызсҭан, Латвиа, Молдавиа, Туркмениа, Узбекисҭан рҟны. "Тодес" амастер-класс акәзар ахәыҷқәа аԥышәеиԥш агәалаҟара бзиагьы рнаҭеит", — иҳәеит Sputnik аредактор хада Андреи Благодыренко.
Ателерадиоеилахәыра НТВ-и жәларбжьаратәи аинформациатә маҵзуреи арадио Sputnik еиҿыркааз Жәларбжьаратәи аконкурс "Ты супер! Танцы" еизнагоит Урыстәылеи, ИАР атәылақәеи, Балтиа атәылақәеи рҟынтәи аҟыбаҩ ҷыда змоу аҿар.
Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит.
Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.
