Ԥсышәала ицәажәо "Ампылҷынҷақәа" Аҟәа иӡырыргеит

© Sputnik Анжелика Бения"Ампылҷынҷақәа"
Ампылҷынҷақәа - Sputnik Аҧсны
Анапаҵаҩра
Аҟәа, аԥхынтә кинотеатр аҟны иӡырган Аҳәынҭқарратә бызшәатә политиказы Аҧсны аҳәынҭқарратә еилак амч ала еиҭагаз ашколқәранӡатәи ахәыҷқәа рзы амультфильм кьаҿқәа.

АҞӘА, цәыббра 4 – Sputnik, Анжелика Бениа. Аҳәынҭқарратә бызшәатә политиказы аилак апроект аҳәаақәа ирҭагӡаны, аԥсуа бызшәахьы еиҭагаз ашколқәранӡатәи ахәыҷқәа рзы амультфильм кьаҿқәа ӡырган цәыббра 3, Диоскураа рыҧшаҳәаҿы еиҿкааз аԥхынтә кинотеатр аҟны.

Аиҭагаҩ, апрект аредактор Наала Хьециа амультфильмқәа рӡыргарахь илыцымҩахыҵит ҩыџьа лԥацәа – Нестори, Османи.

"Уахатәи ҳаиқәшәара сара сзы ныҳәоуп. Ахәыҷқәа ргәы хыҭ-хыҭуа иззыԥшыз амультфильм ахь иаазгеит. Ԥсышәала ицәажәо амультфильм ахь имҩахыҵыз ахәыҷқәа рхы-рҿқәа рыла иубартә иҟоуп иргәаԥханы ишрыдыркыло. Ҳџьабаа мыӡит ҳәа сгәы иаангоит. Ҳус ацҵара ҳгәиҭоуп. Ахәыҷқәа рбызшәа иазҿлымҳахартә еиԥш аҭагылазаашьақәа рзаԥаҳҵалоит", – лҳәеит Хьециа.

Амультфильмқәа рыҟны иҟоу аперсонажқәа ԥсышәала абжьы ахарҵеит арежиссиор, актиор, амузыкант Џьамбул Жорданиеи, ашәаҳәаҩ Саида Габниеи.

Аума аҵанакуеит ахәыҷы, иарбан бызшәоу сызлацәажәо, ҳәа дазымхәыцӡакәа ихатәы бызшәа ихы ианаирхәо. Ахәыҷӡӡақәа рзын иоумоуп арҭ амультфильмқәа. Ирызгәамҭаӡакәан рбызшәа днарҵоит, иҳәеит асахьаҭыхҩы Леонид Еныкь.

"Ауаҩы дани нахыс икәша-мыкәша иҟоу зегь идырырц, иҭиҵаарц иҭахуп. Данашьҭалакгьы иарбан бызшәоу излаиауо адырра уи аҟара дахылаԥшӡом. Ахәыҷы адырра дшашьҭоу ауп иахьа ихатәы бызшәа шицәыӡуа. Иахьа ҳазхәыԥшыз аԥсуаа иҭаҳамхӡит. Ахы инаркны аҵыхәанӡа ҳара иаԥаҳҵозтгьы ҽакхон, аха ус алшарақәа макьана иахьҳамам иахҟьаны иахьазы ари аусумҭа бзиоуп", – иациҵеит асахьаҭыхҩы.

Апроект аменеџьер, абызшәатә политиказы аилак аусзуҩы Алина Аиԥҳа лажәақәа рыла иахьазы еиҭаганы иҟоу амультфильмкьаҿқәа "Илахҿыху атрактор", "Полеи лҩызцәеи", "Ампыл ҷынҷақәа" уахәаԥшыр улшоит аилак аофициалтә даҟьаҟны.

Аиԥҳа иара убас иазгәалҭеит, аилак аиҭагатә усурақәа ишацнаҵо атәы, ус амультфильмқәа "Малышарики", "Свинка Пеппа" и "Ми-ми-мишки", "Фиксики" аиҭагара планс ирымоуп.

Ажәабжьқәа зегьы
0