Сенер Гогәуеи Асида Инаԥшьԥҳаи 2009 шықәсазы Венесуела рыҟазаара иазкны
"Венесуела официалла Аҧсны ахьыҧшымра азханаҵеит ҳәа ҳаҳаит Латинатәи Америка ҳшыҟаз. 2009 шықәсазы сара Жәлар реизара депутатс сыҟан, Асида лакәзар Аԥсны Адәныҟатәи аусқәа рминистрра апротоколтә ҟәша еиҳабыс дыҟан. Венесуела Аԥсны ахьыԥшымра азхаҵара уи мышкала иҟалаз усӡам. Ишыздыруа ала уи азы аусурақәа цон 2007 шықәса раахыс", — иҳәеит Сенер Гогәуа.
Асида Инаԥшьԥҳа лажәақәа рыла, Венесуела Аԥсны азханаҵеит ҳәа илазҳәаз Сенер Гогәуа шиакәу.
"Иахьеиԥш исгәалашәоит ари ахҭыс, шьыжьын. Ҳгәырӷьара ҳәа амамызт",- азгәалҭеит лара.
