АҞӘА, цәыббра 19— Sputnik. Аахыҵ Уаԥстәыла Ахадас зкандидатура ықәгылаз Алан Гаглоев игәҭакуп мызкы ашьҭахь апартиа "Аланский союз" ашьаҭаркратә еизара амҩаԥгара. Абри атәы Sputnik Южная Осетия иазеиҭеиҳәеит Гаглоев идгылаҩцәа руаӡәк.
Аахыҵ Уаԥстәыла Ашәарҭадаратә маҵзура уаанӡатәи аусзуҩ Алан Гаглоев 2017 шықәсазтәи алхрақәа раан атәыла Ахадас икандидатура ықәгылан. Алхрақәа реихшьаалақәа рыла иара жәа-процентк инареиҳаны абжьқәа иоуит.
"Аполитикатә партиа аҭаҩразы адокументқәа аиустициа аминистррахь инашьҭуп. Мызкы ахы-аҵыхәала ашьаҭаркратә еизара мҩаԥгахоит", — иҳәеит амаҵзура акорреспондент дзыҿцәажәоз.
Зынӡа Аахыҵ Уаԥстәыла ашәҟәы иҭаҩуп апартиақәа 14, урҭ рҟынтәи 4 рхаҭарнакцәа апарламент иалахәуп.
