Аԥснынтәи Нижни Новгородҟа амҩа иқәыз автобус амҩатә машәыр ианиеит

© Фото : ГУ МВД России по Краснодарскому краюНа Кубани в ДТП с автобусом погибли шесть человек
На Кубани в ДТП с автобусом погибли шесть человек - Sputnik Аҧсны
Анапаҵаҩра
НовостиTelegram
Анцәахаҵаҩцәа ргәыԥ зҭаз, Аԥснынтәи Нижни Новгородҟа амҩа иқәыз автобус амҩатә машәыр ианиеит.

АҞӘА, цәыббра 26 – Sputnik, Сариа Кәарацхьелиаԥҳа. Анцәахаҵаҩцәа ргәыԥ зҭаз, Аԥснынтәи Нижни Новгородҟа амҩа иқәыз автобус амҩатә машәыр ианиеит. Убри аан фҩык ҭахеит ҳәа адырра ҟалҵоит Краснодартәи атәылаҿацә аҩныҵҟатәи аусқәа аинформациатә маҵзура аиҳабы Мариа Пирогова.

"Автобус иҭаз Нижни Новгород ауааԥсыра роуп. Урҭ Аԥснынтәи рыҩныҟа амҩа иқәын. Фҩык ҭахеит. Амашьына аԥсҟы зкызи аҽа ҩыџьа апассаџьырцәеи аҭыԥ аҟны рыԥсҭазаара иалҵит, ҩыџьа ахәышәтәырҭа аҟынӡа ирызнамгеит, аҽаӡәгьы ахәышәтәырҭаҿ иԥсҭазаара далҵит",  - лҳәеит Мариа Пирогова.

Иахьазы Краснодартәи атәылаҿацә ахәышәтәырҭақәа ирҭоуп 18-ҩык автобус апассаџьырцәа. Иҭахази ааха заузи рхаҭарақәа шьақәыргылоуп, аха макьаназ ирылаҳәам.

Пирогова лажәақәа рыла, автобус King Long аԥсҟы зкыз аидарамҩангага MAN дасит. Иҟоуп агәаанагара иара дамхацәеит ҳәа.

"Уи макьаназы заанаҵтәи гәаанагароуп", — лҳәоит амаҵзура аиҳабы.

Ахҭыс инадҳәаланы ашьаусҭҵаара хацыркуп.

Анцәахаҵаҩцәа ргәыԥ зҭаз, Аԥснынтәи Нижни Новгородҟа амҩа иқәыз автобус амҩатә машәыр ианиеит. Убри аан фҩык ҭахеит.

Ажәабжьқәа зегьы
0