Гагәылиа: Ареспублика Сербтәи ҳареи ҳекономикатә еимадарақәа раамҭа ааит

© Sputnik / Томас ТхайцукПрезентация потенциала Республики Сербская
Презентация потенциала Республики Сербская - Sputnik Аҧсны
Анапаҵаҩра
НовостиTelegram
Жьҭаара 3 рзы Аҟәа имҩаԥысит Ареспублика Сербтәи аӡыргара.

АҞӘА, жьҭаара 3 – Sputnik, Бадраҟ Аҩӡба. Ареспублика Сербтәи ҳареи ҳекономикатә еимадарақәа раамҭа ааит иҳәеит Аԥсны Ахәаахәҭра-Ааглыхратә Палата аиҳабы Геннади Гагәылиа, жьҭаара 3 рзы Аҟәа имҩаԥысыз Ареспублика Сербтәи аӡыргараҟны.

"Ҳара акраамҭа ҳҽазыҟаҳҵон Ареспублика Сербтәи аделегациа рыдкылара. 2013 шықәса рзы анапы аҵаҩын ареспублика Ахәаахәҭра-Ааглыхратә Палатеи Аԥсны Ахәаахәҭра-Ааглыхратә Палатеи рыбжьара аиқәшаҳаҭра. Изныкымкәа Аԥсны Ахәаахәҭра-Ааглыхратә Палата ахаҭарнакцәа Ареспублика Сербтәи иаҭаахьан", — иҳәеит Гагәылиа.

"Аделегациа иалахәуп аиҳабыратә мчрақәа рхаҭарнакцәа, абизнесуаа", — иҳәеит иара.

Геннади Гагәылиа иазгәеиҭеит аиԥылара ԥхьаҟагьы Ареспублика Сербтәи Аԥсны Аҳәынҭқарреи реимадарақәа ишрыцхраауа.

Убас, иара иажәақәа рыла Ареспублика Сербтәи Аԥснытәи асахьаҭыхыҩцәа арт-пленер иалахәын.

Ареспублика Сербтәи атуризми ахәаахәҭреи рминистр ихаҭыԥуаҩ Дускана Тегелтиа ареспублика аекономикатәи, ааглыхратәии, атуристтәии, акультуратәи лшамҭақәа ӡырылгеит. Ақалақь Биелина Ахада еиҭеиҳәеит ақалақь аҭоурых, иазгәеиҭеит Аԥсни сербиеи еиуеиԥшым ахырхарҭақәа рыла реизыҟазаашьақәа дырҿиалар шалшо, аиҳаракгьы атуризм ахырхарҭала.

Ақыҭанхамҩа знапы алаку аилахәыра анапхгаҩы Ражко Дукич иазгәеиҭеит дахьаангылаз асасааирҭа ауадаҿы иара ишизыԥшыз аԥсуа ҩи аԥсуа шәырқәеи. Иара иҳәеит Аԥснытәи аҩқәа ринтерес шикыз.

Асасцәа аԥсуа ган иҟарҵаз асасдкыларазы ҭабуп ҳәа раҳәаны Сербиаҟа инарыԥхьеит.

Ареспублика Сербтәи –Босниеи Герцеговинеи рҵакырадгьыл аҟны еиҿкаау ҳәынҭқарроуп. Ишьақәгылеит 1992 гшықәса рзы, Босниеи Герцеговинеи ирыхәҭакхеит 1995 шықәса рзы. Аҳҭнықалақь – Баниа-Лука.

Ажәабжьқәа зегьы
0