АҞӘА, жьҭаара 5 — Sputnik. Ҟрым аекономика иагу иабзоуи иара убасгьы Ҟрым аҿиара аиуразы афедералтә хықәкытә программа анагӡареи уҳәа дрылацәажәеит Ареспублика Ҟрым аекономикатә ҿиара аминистр Андреи Мельников. Абри атәы аанацҳауеит РИА Новости.
"Иган ӷәӷәаны иҟоу ганкахьы мацарала аҿиара ҳацәызыхьчоу, еиурашәаны иҟоу структуроуп. Ақыҭанхамҩа, ааглыхра, атуризм уҳәа еиваҟәало ауп рыҿиара шыҟоу. Уи ҳара иааидкыланы ҳекономика аҿиаразы хра аманы иҟоуп", — иҳәеит иара.
Мельников иажәақәа рыла иара убасгьы агәазыҟаҵара узҭо акәны иҟоуп анаплакра аҿиара. Ҟрым Урыстәыла зегь аҟны хаҭалатәи анаплакыҩцәа рырацәарала иалкаауп.
Иԥсыҽу ганны иҟоу ҳәа аминистр дазааҭгылеит аинфраструктура ажәра, Аҩада-Ҟрымтәи аканал аркра ашьҭахь аӡыдареи атранспорттә еимадареи.
Иара убри аан арҭ апроблемақәа зегьы рҭыԥ рықәҵара уадаҩрак алам афедералтә программа анагӡареи Кьерчтәи аӡыбжьахала аусура алагареи ирылҵшәаны.
Аминистр иҳәеит атранспорттә коридор аҭагылазаашьа шьаҭанкыла иаԥсахыр алшоит ҳәа. Уи иадҳәалахоит ахәԥсаԥсахрагьы.
