АҞӘА, жьҭаара 23 — Sputnik. Честер ақалақь (аштат Пенсильваниа) аҿы амҵәышәымпылтә плошьчадкаҿ идырым ахаҵа ауаа ргәырҽанӡамкәа, иаалырҟьаны ахысра далагеит. Убри аан ԥшьҩык рҟынӡа ахәрақәа роуит. Абри атәы аанацҳауеит РИА Новости ателеканал CBS адыррақәа шьаҭас иҟаҵаны.
Аполициаа ишырҳәаз ала ахысыҩ аплошьчадка акыр инахыкыз аҭыԥ аҟынтә дхысуан.
Ахысра ахьымҩаԥысуаз аҭыԥ аҿы ирбеит авинтовка AR, апатронақәа.
