АҞӘА, жьҭаара 25 – Sputnik, Бадраҟ Аҩӡба. Амашьына зысыз аҷкәын иԥсҭазааара ашәарҭара иҭагылам, аиӷьхарахь ихы кыдуп ҳәа Sputnik, акорреспондент изеиҭаиҳәеит Ареспубликатә хәышәтәырҭа аиҳабы инапынҵақәа назыгӡо Аполлон Гәыргәлиа.
"Ахәыҷы ибҩақәа ԥыҵәҵәоуп, аахақәа имоуп, аха иԥсҭазаара шәарҭа аманы иҟам. Аиӷьхарахь амҩа дықәуп. Аҳақьымцәа уи иԥсҭазаара аиқәархыразы ирылшо зегьы ҟарҵоит" — иҳәеит Гәыргәлиа.
Жәиԥшь-шықәса зхыҵуа ашколхәыҷ амашьына исит Арӡынба имҩеи Аидгылара амҩеи реихысырҭаҿы.
Арыцҳара аныҟала ашьҭахь автомобиль Peugeot аԥсҟы зкыз Анаркологиатә диспансер ахь днаган, анаркотикатә маҭәашьарқәа идкылан дыҟазу дыҟамзу агәаҭаразы. Аҳәынҭавтоинспекциа аузуҩцәа ахҭыс иадҳәалоу аматериалқәа реизгара иаҿуп.
Автомашьына аџьырмыкьа хадахьы ицон. Амашьына зысыз ахәыҷы Аҟәатәи аҩбатәи абжьаратә школ аҿы аҵара иҵоит.
Уаанӡа, ахәаша, жьҭаара 20 рзы Аԥснытәи ателерадиоеилахәыра ажурналист Фатима Қәҭелиаԥҳа Леон имҩеи Аиааира амҩеи реихысырҭаҿы амашьына лысны ахәышәтәырҭахь днаргахьан.
