АҞӘА, жьҭаара 27 – Sputnik, Бадраҟ Аҩӡба. Арӡынба имҩеи Воронов имҩеи реихысырҭаҿы жьҭаара 26 асааҭ 14:45 рзы амҩатә машәыр ҟалеит.
Амашәыр иахҟьаны Ареспубликатә хәышәтәырҭахь инаргеит хҩык Аԥсны ауааԥсыра. Абри атәы ҳкорреспондент изеиҭеиҳәеит ахәышәтәырҭа аҳақьым хада Аполлон Гәыргәлиа.
"Ахәышәтәырҭахь иааргеит ани ԥҳаи. Урҭ рыԥсҭазаара шәарҭа иҭагылам. Иара убасгьы ахәышәтәырҭахь дааргеит зцәа зтәым аԥҳәыс" — иҳәеит иара.
Автомашьынақәа Citroen Mercedes-Benz еиҿасит Аҟәа ақалақь Арӡынба имҩеи Воронов имҩеи реихысырҭаҿы жьҭаара 26 асааҭ 14:45 рзы. Амашәыр иахҭыгәлаз ражәақәа рыла Citroen амҩа хада аганахь ала аџьармыкьах ахы рханы инеиуан Воронов имҩала автомашьына Mercedes-Benz иаалырҟьаны ианцәырҵыз.
Citroen аԥсҟы зкыз иажәақәа рыла иара аиҿасра иҽацәихьчарц аҽазышәарақәа ҟаиҵеит аха дахьымӡеит, избанзар Mercedes-Benz иаалырҟьаны ицәырҵит.
