АҞӘА, жьҭаара 30— Sputnik, Анжелика Бениаԥҳа. Абизнес аҭагылазаашьа бзиа азаԥҵара аҳәынҭқарра иаусуп иҳәеит VIII Аԥсны-Урыстәылатәи аусутә форум дахцәажәо апроекттә усура аҿиара "Росконгресс" адирекциа анапхгаҩы Слава Ходько.
"Иарбанызаалак аҳәынҭқарраҿы Аекономика аминистрра иаус хаданы иҟоу абизнес иазыманшәалоу аҭагылазаашьа азырхиароуп. Уи азы анапхгара ирдыруазароуп иҟоу апроблемақәа.
Ахатә бизнес аҿиара ахьамам аинвестициақәагьы анеира рҭаххаӡом", — иҳәеит иара.
Астол гьыжь мҩаԥысуанаҵы зегьы ирыман алшара ргәаанагарақәа рҳәаразы. Шамахамзар агәаанагарақәа еизааигәан. Ицәажәоз зегьы иазгәарҭон ақыҭанхамҩеи, атуризми русхк техникала аиқәыршәара алаҟәра, аимпорти аекспорти рыҿиара ртәы. Иазгәарҭеит аҳаиртә баӷәаза аартра шхымԥадатәиу, Аԥсныҟа аԥсабаратә газ аагара шахәҭоу.
Афорум аусура ахәшьара аҭо Ходько иазгәеиҭеит аинформациа аимдаразы аусра ду шымҩаԥгаз.
Ходько агәра игоит ареспублика алшара дуқәа аманы ишыҟоу. Ажәалагалагьы ҟаиҵеит Владимир Путин 2012 шықәса рзы иаԥшьигаз урыстәылатәи апрограмма "Дуинг бизнес" иқәныҟәар шыбзиоу.
VIII Аԥсны-Урыстәылатәи аусутә форум хыркәшахеит Аҟәа, жьҭаара 27 рзы.
