Урыстәыла арратә машьынарныҟәцаҩцәа Аԥсны иазыҟарҵеит

© © РИА Новости. Сергей ПятаковСлужащие российской военной базы в городе Гудаута Республики Абхазия во время тактических учений
Служащие российской военной базы в городе Гудаута Республики Абхазия во время тактических учений - Sputnik Аҧсны
Анапаҵаҩра
НовостиTelegram
Аԥсны Аҳәынҭқарраҟны иҟоу Урыстәылатәи Афедерациа Аладатәи арратә округ аррамаҵзурауаа адәытә ҽазыҟаҵарақәа рҳәаа иҭагӡаны аполигонқәа Нагвалоуи Ҵабали рҟны 700 инарзынаԥшуа аҵаратә зыҟаҵарақәа мҩаԥыргеит, 100 000 километр инеиҳаны амҩа уадаҩрақәа ирхысит.

АҞӘА, жьҭаара 31 — Sputnik. 700-ҩык рҟынӡа арратә техника арныҟәаҩцәа Аԥсны азыҟаҵарақәа ирхысит ҳәа азгәеиҭоит Аԥсны Аҳәынҭқарраҟны иҟоу Урыстәылатәи Афедерациа Аладатәи арратә округ апресс-маҵзура аиҳабы Вадим Астафьев.

Аԥсны Аҳәынҭқарраҟны иҟоу Урыстәылатәи Афедерациа Аладатәи арратә округ аррамаҵзурауаа адәытә ҽазыҟаҵарақәа рҳәаа иҭагӡаны аполигонқәа Нагвалоуи Ҵабали рҟны аҵаратә зыҟаҵарақәа мҩаԥыргеит. Аррамаҵзурауаа тревогала ршьапы иқәыргылан, аҽазыҟаҵаратә комплексқәа ирхыжьын. Аҵаратә зыҟаҵарақәа инарықәыршәаны 700-ҩык рҟынӡа арратә техника арныҟәаҩцәа Аԥсны азыҟаҵарақәа ирхысит.

Астафьев иажәақәа рыла амашьынарныҟәцаҩцәа ашьхатә ӡиасқәа, ахаҳәҿыбгаррақәа, ахыҵәрырақәа, аҭҳәаақәа уҳәа реиԥш иҟоу аԥсабаратә ԥынгылақәа ирхысит.

Хәымз рыҩныҵҟа арратә машьынарныҟәцаҩцәа Аԥсны азыҟаҵарақәа ихрыжьуан. Азыҟаҵарақәа реиҳарак мҩаԥыргон уахынланы.

Военная техника ополчения ДНР на линии разграничения. Архивное фото - Sputnik Аҧсны
Аԥсни Урыстәылеи рыруаа "аӷа икомандирцәа" ҭадырхеит

Арратә база амашьынарныҟәцаҩцәа рыхәҭа аҽазыҟаҵарақәа мҩаԥыргон аполигонқәа "Ҵабал", "Нагвалоу", "Молькино", "Майкопский" рҟны.

Амашьынарныҟәцараз азшьақәа рырҭараны иҟоуп зхысра уадаҩу аҭыԥқәеи амҩақәеи рҟны арратә штаттә техника арныҟәцаразы.

Апресс-маҵзура аиҳабы Виктор Астафьев иажәақәа рыла аҽазыҟаҵарақәа ирылахәын 700-ҩык инарзынаԥшуа Урыстәылатәи аррамаҵзурауаа, ахархәара рыҭан 100 инареиҳаны арратә техника, ирхысын 100 000 километра рҟынӡа амҩақәа. Убри аан ахархәара рыҭан ҳаамҭазтәи акәылӡтәи техника БТР-82М, атанкқәа Т-72Б3, автомашьынақәа КамАЗ, УАЗ, ГАЗ, аимадара амашьынақәагьы абрахь иналаҵаны.

Ажәабжьқәа зегьы
0