АҞӘА, абҵара 14 — Sputnik. 2 000-ҩык рҟынӡа Аԥсны иҟоу Урыстәылатәи арратә база аруаа аполигонқәа Гәдоуҭеи (Аԥсны Аҳәынҭқарра) Маиҟәаԥи (Урыстәылатәи Афедерациа) рҟны адәытә ҽазыҟаҵарақәа мҩаԥыргеит ҳәааанацҳауеит Аԥсны иҟоу Аладатәи арратә округ иатәу Урыстәылатәи арратә округ апресс-маҵзура. Абри аан рхы иадырхәеит акәылӡытранспартиор БТР-82АМ, атанк Т-72БЗ.
"Аҽазыҟаҵарақәа мҩаԥысуеит аполигонқәа Гәдоуҭеи (Аԥсны Аҳәынҭқарра) Маиҟәаԥи (Урыстәылатәи Афедерациа) рҟны рҟны. Амотохысцәа, атанкистцәа, артиллеристцәа ахысрақәа мҩаԥыргоит атанк Т-72БЗ аҟынтәи артиллериатә хысга 125-мм ала, ҳаамҭазтәи акәлаӡтәы-транспартиор БТР-82АМ ала, агаубица Д-30 (122-мм) ала. Аҟәшақәа реинырра агәаҭара мҩаԥысуан арота тактикатә ҽазыҟаҵарақәа раан, уахынлагьы ҽынлагьы, иҷыдоу артә ҟәшахкқәа адыԥхьаланы – аҽыхьчареиԥш ажәыларатә тематикагьы рыла", — ҳәа арбоуп адырраҭараҟны.
500 инареиҳаны атактикатә ҽазыҟаҵарақәа мҩаԥыргараны иҟоуп, иара убасгьы зқьы инареиҳаны арҵага-рратә хысрақәа мҩаԥысраны иҟоуп ашықәс иалагӡаны.
Бжьаратәла Арратә округ аруаҩ адәытә ҭагылазаашьаҟны 3-мза инареиҳаны иаамҭа ихигоит.
Аррамаҵзурауаа азшьақәа роуит амаҭәар хадақәа рзы.
