"Динамо" аветеран: ҳаспортсменцәа реиҳараҩык ҳаклуб аҿоуп иахьеизҳаз

© SputnikЮрий Логуа
Юрий Логуа - Sputnik Аҧсны
Анапаҵаҩра
Yandex newsTelegram
Аҟәатәи ашьапылампылтә клуб "Динамо" 90-шықәса анахыҵуа амш аҽны акоманда аветеран, азыҟаҵаҩ Иури Логәуа радио Sputnik иазеиҭеиҳәеит аклуб иадҳәалоу реиҳа аинтерес зҵоу ахҭысқәа.

АҞӘА, абҵара 22 – Sputnik, Бадраҟ Аҩӡба. Еицырдыруа ҳаспортсменцәа реиҳараҩык ҳаклуб аҿоуп иахьеизҳаз иҳәеит Аҟәатәи ашьапылампылтә клуб "Динамо" 90-шықәса анахыҵуа амш аҽны акоманда аветеран, азыҟаҵаҩ Иури Логәуа радио Sputnik аинтервиу аҭо.

"Витали Дараселиа ида еицырдыруа егьырҭ ҳшьапылампыласыҩцәа, Владимир Маан, Ниаз Ӡаԥшьба, Никита Симониан, Ахрик Цәеиба уҳәа "Динамо" аҟны ихәмаруан. Асовет Еидгыла еиуеиԥшым аклубқәа рҟны ихәмаруаз аԥснытәи ашьапылампыласыҩцәа ааизугар СССР еизгоу акоманда еиҿукаар алшон. Ҳара ҳҟны ихәмаруан Гьаргь Сыҷынаа еиԥшыз иналукааша аспортсменцәа", — иҳәоит Логәуа.

Иури Логәуа "Динамо"аҟны дыхәмаруан 1977 — 1987 шықәсқәа рзы. Анаҩс, 1989 шықәса инаркны 1992 шықәсанӡа аҩбатәи азыҟаҵаҩыс аус иуан.

"Иазгәаҳҭо аиубилеи аҵак ду амоуп ҳара зегьы ҳзы. Аԥсуа шьапылампыл аҭоурых акыр ибеиоуп", — иҳәеит иара.

Аԥснытәи ахәыҷтәы команда Динамо - Sputnik Аҧсны
"Динамо" ашьапылампылтә турнир "Лига надежды" аҿы аҩбатәи акәхеит

Ашьапылампылтә клуб "Динамо" аԥҵан 1927 шықәса рзы. Иара анысит ихьӡырҳәагаз амҩа: Аԥсны ачемпионат инаркны Асовет Еидгыла Иреиҳаӡоу алига аҟынӡа ҳәа азгәеиҭоит Логәуа.

Аԥсуа дгьыл традициак аҳасаб ала еиуеиԥшым аспортхкқәа рҟны иналукааша аспортсменцәа рыла ибеиоуп, аиҳаракгьы ашьапылампыл аҟны ҳәа азгәеиҭеит Логәуа.

"Динамо" аветеран иажәақәа рыла Аԥсны ашьапылампыл аҿиара хацырктәуп аспорттә школқәа рыла.

"Ахәыҷқәа ахәмарразы аҿиара анрымоу еиҳа еизҳауеит", — иҳәоит иара.

1989 — 1992 шықәсқәа Аԥсны азы реиҳа иуадаҩыз шықәсқәаны ишыҟазгьы, ашьапылампыл аҿиара дуӡӡа аман.

"Усҟан Асовет Еидгыла аилаҳара иаамҭан. Аԥсни Қырҭтәылеи рыбжьара аибарххара ду ыҟан. "Динамо" аҟазаареи аҟамзаареи ирыбжьагылан. Убасҟан Аԥсныҟа дааԥхьан иналукааша азыҟаҵаҩ ссир Олег Долматов", — ҳәа еиҭеиҳәоит Логәуа.

Абринахыс "Динамо" ақәҿиара дуқәа аманы СССР Иреиҳаӡоу алигаҿы ихәмаруа аҟынӡа еизҳаит, иҿиеит, аха СССР аилаҳара уи алнамыршеит.

Еиуеиԥшым ашықәсқәа раан "Динамо" аҟны ихәмаруан: Георги Грамматикопуло, Ахрик Цәеиба, Сергеи Овчинников, Џьамал Гәбаз, Геннади Бондаренко, аишьцәа Беслани Руслани Џьынџьалаа. Аԥсны жәлар реибашьра ашьҭахь "Динамо" Аԥсны ачемпионат иалахәымызт. 2009 шықәса жьҭаарамзазы еиҭашьаҭаркыз аклуб, 90 шықәса раԥхьа ихацыркыз ашьапылампыл команда "Динамо" ахьӡ еиҳагьы ишьҭыхуа аҿиара амҩа ианылеит.

Ажәабжьқәа зегьы
0