Дмитри Хворостовски аҵыхәтәантәи игәазыҳәара еилкаахеит

© Sputnik / Руслан Кривобок / Амедиаҵәахырҭахь аиасраДмитрий Хворостовский, архивное фото
Дмитрий Хворостовский, архивное фото - Sputnik Аҧсны
Анапаҵаҩра
НовостиTelegram
Еицырдыруа аоператә шәаҳәаҩы Дмитри Хворостовски иԥсҭазараҿ аҵыхәтәантәи игәазыҳәарала иԥсыбаҩ акремациа азуны ҩ-қалақьк рҟны анышә иамадахароуп.

АҞӘА, абҵара 23— Sputnik. Дмитри Хворостовски иԥсҭазараҿ аҵыхәтәантәи игәазыҳәарала иԥсыбаҩ акремациа азуны. ҩ-қалақьк: Москвеи Красноиарски рҟны анышә иамадахароуп. Абри атәы Sputnik Армения иазеиҭеиҳәеит СССР жәлар рартист Иосиф Кабзон, Vesti.ru.адыррақәа шьаҭас иҟаҵаны.

Пресс-конференция оперной певицы Хиблы Герзмава - Sputnik Аҧсны
Хьыбла Гьерзмааԥҳа лықәгылара Хворостовски игәалашәара иазылкуеит

Ашәаҳәаҩ иуацәеи иҭынхацәеи ирыдашшылоит шәҩыла-зықьҩыла амузыка абзиабаҩцәа. Адашшыларатә шәҟәы наишьҭит Урыстәыла Ахада Владимир Путин.

Хворостовски дихцәажәеит амузыкантә иҩыза гәакьа, апианист Константин Орбелиан:

"Хворостовски еиԥш зеиԥшыз дмаҷын. Анцәа иара деиқәиршәеит ԥшра-сахьала, ҟазарыла, иуникалтәу бжьыла, музыкатә ҟыбаҩла. Иааҟаиҵоз зегьы 100 процентк иныҭкааны иҟаиҵон. Иацы ахәылбыҽха сыҟан. Иҭаацәагьы неины иҟан. Иара ашамҭазы инарцәмҩа дықәлеит" ҳәа еиҭеиҳәоит Орбелиан.

Иара убасгьы иазгәеиҭеит Хворостовскии иареи шеицықәгылалоз аконцертқәа раан, ишеиҩызцәа бзиаз.

Хворостовски акыршықәса ачымазара бааԥсы ицәа иалан. 2015 шықәса рзы иара аҳәамҭа ҟаиҵеит ихшыбаҩ ачыра амоуп ҳәа. Артист аҵыхәтәантәи аамҭақәа рзы Лондон дынхон.

Концерт Дмитрий Хворостовский и друзья. Архивное фото - Sputnik Аҧсны
Дмитри Хворостовски иԥсҭазаара далҵит

1989 шықәса рзы Би-би-си ателехәаԥшратә конкурс, Кардифф (Великобританиа) ақалақь аҟны имҩаԥысуаз, "Адунеи ашәаҳәаҩ" аҿы "Иреиӷьу абжьы" ҳәа иигаз аиааира ашьҭахь адунеи аҿы деицырдыруа дҟалеит. Ниццатәи (Франциа) Nice Opera аҟны Петр Чаиковски иопера "Пиковая Дама" аҟны иқәгылара ашьҭахь Дмитри Хворостовски днарыԥхьо иалагеит адунеи иреиӷьу атеатрқәа, афестивальқәа рахь.

Урҭ иреиуан: атеатр Ковент-Гарден (Лондон, Великобританиа), Метрополитен-опера (Ниу-Иорк, (США), Парижтәи аопера (Франциа), Бавариатәи аҳәынҭқарратә опера (Миунхен, Германиа), Ла Скала (Милан, Италиа), Венатәи аҳәынҭқарратә опера (Австриа), Зальцбургтәи афестиваль (Австриа).

Ажәабжьқәа зегьы
0