Москватәи аҳаиртә баӷәаза рҟны ареисқәа аанкылоуп

© Sputnik / Сергей Трубицын / Афотобанк ахь аиасраЗадержка авиарейсов в аэропорту Шереметьево. Архивное фото
Задержка авиарейсов в аэропорту Шереметьево. Архивное фото - Sputnik Аҧсны
Анапаҵаҩра
Yandex newsTelegram
Аҭагылазаашьа ҷыдақәа рзы аминистрра абжьагара ҟанаҵоит Москва амашьынақәа рыԥсҟы зку рыццакыра ладырҟәырц, раԥхьа инеиуа атранспорти дареи рыбжьара дырҭбаарц.

АҞӘА, ԥхынҷкәын 5 — Sputnik. Москвеи Москватәи аобласти рҟны ԥхынҷкәын 4 асааҭ 22.00 рҟынӡа асы леиуеит, аамҭа-аамҭала ақәабаа-сабаа леиуеит, иҵаауеит. Абри атәы аанацҳауеит Урыстәыла Аҭагылазаашьа ҷыдақәа рзы аминистрра аусбарҭа хада ҳәа адырра ҟанаҵоит РИА Новости.

"Ҳаҭыр зқәу Москва ауааԥсыреи асасцәеи! Урыстәыла Аҭагылазаашьа ҷыдақәа рзы аминистрра аусбарҭа хада адыррақәа рыла Москвеи Москватәи аобласти рҟны ԥхынҷкәын 4 асааҭ 22.00 рҟынӡа асы леиуеит, аамҭа-аамҭала ақәабаа-сабаа леиуеит, иҵаауеит. Аԥша амчхара секундк ала 15 метра инаӡо иҟалоит", — ҳәа арбоуп адырраҭараҟны.

Амшцәгьа иахҟьаны атранспорт аныҟәара ауадаҩрақәа ацлоит, иҟалар алшоит амҩатә машәырқәа, афымцатә цәаҳәақәа ркаҳара, аҵлақәа рыҵыҩрра.

"Аэрофлот" аҳауатә ҭагылазаашьа иахырҟьаны иааннакылеит ареисқәа 60 инарзынаԥшуа, ақалақьқәа: Архангельск, Берлин, Варшава, Венециа, Ереван, Хельсинки, Рим, Симферополь, Краснодар уҳәа рахь ҳәа арбоуп авиаеилахәыра асаит аҟны.

Аҭагылазаашьа ҷыдақәа рзы аминистрра абжьагара ҟанаҵоит Москва амашьынақәа рыԥсҟы зку рыццакыра ладырҟәырц, раԥхьа инеиуа атранспорти дареи рыбжьара дырҭбаарц.

Ажәабжьқәа зегьы
0