АҞӘА, ԥхынҷкәын 22 – Sputnik, Сариа Кәарацхьелиаԥҳа. Аԥсуа бокер Баҭал Чежьиа дызцықәгылоз каерунтәи Даниель Нигат дииааиит, Москва имҩаԥысуаз аиндаҭлараҿы. Абри атәы Sputnik акорреспондент илзеиҭеиҳәеит Аԥсны апрофессионалтә бокс азы Афедерациа ахада Алик Карди оглы.
"Ақәԥара мҩаԥысуан ф-раундк рыла. Аҵыхәтәаны еицҿакрыла аиааира Баҭал иаҭәаршьеит", — иҳәеит иара.
Аԥсны апрофессионалтә бокс азы Афедерациа ахада Алик Карди оглы иажәақәа рыла камерунтәи аспортсмен даара дыӷәӷәан, ииааирагьы мариамызт.
"Камерунтәи аспортсмен аҵыхәтәанӡа Баҭал иҽииҭомызт. Ус ишыҟазгьы Баҭал аԥыжәара игеит", — иҳәеит иара.
Ақәгылара ашьҭахь Баҭал агәалаҟара бзиа имоуп.
"Баҭал агәалаҟазаара бзиа имоуп. Иахьа ҳара ҩ-ныҳәак азгәаҳҭоит. Баҭал ииааира адагьы имшироуп. Уажәы ҳара Москватәи аԥсуа диаспора ааԥхьара ахьҳарҭаз ҳцоит, баҭал имширеи ииааиреи азгәаҳҭарц", — иҳәеит Карди оглы.
2018 шықәса рзы Шәача имҩаԥысраны иҟоу апрофессионалтә бокс Адунеизегьтәи асериа далахәхараны дыҟоуп Баҭал Чежьиа.
