Милена аҩныҟа дхынҳәит

© Sputnik / Томас ТхайцукШкольные друзья, друзья-танцоры и родственники встретили финалистку международного проекта "Ты супер! Танцы" Милену Тачулия
Школьные друзья, друзья-танцоры и родственники встретили финалистку международного проекта Ты супер! Танцы Милену Тачулия - Sputnik Аҧсны
Анапаҵаҩра
Жәларбжьаратәи апроект "Ты супер! Танцы" афиналистка Милена Тачулиаԥҳа Аԥсны игәырӷьаҵәа илԥылеит.

АҞӘА, ԥхынҷкәын 28 – Sputnik, Анжелика Бениаԥҳа. Жәларбжьаратәи апроект "Ты супер! Танцы" ашьҭахь аҩныҟа ихынҳәыз афиналистка Милена Тачулиаԥҳа Аԥсны игәырӷьаҵәа илԥылеит лҩызцәа, дыздыруа, иара ус ҳтәыла ауааԥсыра.

© Sputnik / Томас ТхайцукШкольные друзья, друзья-танцоры и родственники встретили финалистку международного проекта "Ты супер! Танцы" Милену Тачулия
Школьные друзья, друзья-танцоры и родственники встретили финалистку международного проекта Ты супер! Танцы Милену Тачулия  - Sputnik Аҧсны
Школьные друзья, друзья-танцоры и родственники встретили финалистку международного проекта "Ты супер! Танцы" Милену Тачулия

Милена лаҳәшьеиҵбы Ҭеона ԥшьымзуп Милена длымбацижьҭеи.

"Еснагь асценаҟны слыцықәгылазшәа схы збон. Лықәгыларақәа рыхәаԥшра сцәыуадаҩын. Даара дықәхьаазгон", — лҳәоит Ҭеона.

Милена Тачулиаԥҳа жәлар рыкәашарақәеи аклассикатә кәашарақәеи рахь дныҟәоит хышықәса анылхыҵуаз аахыс. Иахьа лара ахәыҷтәы ҳәынҭқарратә ансамбль "Абаза" асолистс дыҟоуп.

Ансамбль асахьаркыратә напхгаҩы Циала Чкадуаԥҳа иазгәалҭеит Милена Тачулиаԥҳаи Леон Қапбеи Аԥсны ахаҭарнакра дуҵәҟьа нарыгӡеит ҳәа.

© Sputnik / Томас ТхайцукШкольные друзья, друзья-танцоры и родственники встретили финалистку международного проекта "Ты супер! Танцы" Милену Тачулия
Школьные друзья, друзья-танцоры и родственники встретили финалистку международного проекта Ты супер! Танцы Милену Тачулия  - Sputnik Аҧсны
Школьные друзья, друзья-танцоры и родственники встретили финалистку международного проекта "Ты супер! Танцы" Милену Тачулия

"Сара еснагь исҳәоит аҟыбаҩ ҷыда злоу ахәыҷқәа шҳамоу. Милена даара слықәгәыӷуеит. Апроект жәларбжьаратәын. Иреиӷьӡақәаз еидкылан, аха лара ҳалмырԥхашьеит. Афинал аҟынӡа днеиуеит ҳәа ақәгәыӷрагьы цәгьан," — лҳәоит Чкадуаԥҳа.

Милена асеиԥш илԥылап ҳәа дшымгәыӷуаз атәы лҳәеит.

"Асеиԥшҵәҟьа исԥылап ҳәа сақәгәыӷуамызт. Иара убасҵәҟьоуп сыкласс афиналтә концерт ахь рнеирагьы шысзыџьашьахәыз", — лҳәоит лара.

Милена класск аҟны аҵара лыцызҵо Ерена Зыхәԥҳа илҳәеит акласс зегьы рҽеидкыланы Милена лықәгыларақәа ишрыхәаԥшуаз.

"Милена аҟыбаҩ ссир лылоуп. "Абаза" ақәгыларақәа раангьы ҳнеины ҳлыхәаԥшлон, аха уажәы лыҽшаалырԥшыз ҳәашьа амам", — лҳәеит лара.

© Sputnik / Томас ТхайцукШкольные друзья, друзья-танцоры и родственники встретили финалистку международного проекта "Ты супер! Танцы" Милену Тачулия
Школьные друзья, друзья-танцоры и родственники встретили финалистку международного проекта Ты супер! Танцы Милену Тачулия  - Sputnik Аҧсны
Школьные друзья, друзья-танцоры и родственники встретили финалистку международного проекта "Ты супер! Танцы" Милену Тачулия

Милена —еиуеиԥшым аконкурсқәа дрылахәхахьеит. Акәашара адагьы аӡсареи асахьаҭыхреи лнапы рылакуп. Бзиа илбоит ажурналистика дкәашаҩхар лҭахуп.

Ателеканал НТВ еиҿнакааит жәларбжьаратәи аконкурс "Ты супер! Танцы". Ателеканал НТВ зқьы инареиҳаны рзаҳал аиуит. Акәашаратә конкурс хылаԥшрадеи зҭаацәа рыдеи инхаз ахәыҷқәа ирнаҭон алшара раԥхьаҟатәи рԥеиԥш аиҭакразы.

Аконкурс иалахәхеит акәашаҩцәа қәыԥшцәа 145-ҩык. Аконкурс алахәразы рымчқәа ԥыршәон 13 тәыла рҟынтәи акәашаҩцәа: Урыстәыла, Азербаиџьан, Ермантәыла, Белоруссиа, Ҟазахстан, Киргизиа, Латвиа, Молдавиа, Таџьыкистан, Туркмениа, Узбекистан, Украина, Аԥсны. Апроект иалахәыз рҟынтәи зегь иреиҵбу алахәыла быжь-шықәса лхыҵуан, иреиҳабу – жәаа-шықәса. Апроект иалахәу зегьы аҟыбаҩ ҷыда змоу хәыҷқәоуп.

"Ты супер! Танцы" – ари лшароуп ауаа рацәа урдырразы, адунеи зыхьӡ ахыҩхьоу ахореографцәа аус рыцуурцаз, аҩызцәа ҿыцқәа уоурц. Ахаарԥшразы ахәыҷқәа ацхыраара рырҭон апрофессионалтә хареографцәа, арҵаҩцәа.

Ателерадиоеилахәыра НТВ-и амаҵзура Sputnik-и, имҩаԥырго жәларбжьаратәи аконкурс еиднакылоит Урыстәыла, ИАР атәылақәа, Балтиа атәылақәа рҟынтәи аҟыбаҩ бзиа злоу ахәыҷқәа, иагьырнаҭоит алшара аԥеиԥш лашазы.

Леон Қапба афиналбжаҟынӡа днаӡеит, Милена Тачулиаԥҳа лакәзар, афинал аҿы дықәгылеит. Аабатәи аҭыԥ аанылкылеит.

Ажәабжьқәа зегьы
0