АҞӘА, ажьырныҳәа 18— Sputnik. Урыстәыла ақалақьқәа жәеиза рҟны имҩаԥгахоит 2018 шықәсазтәи адунеи ачемпионат. Арҭ ақалақьқәа рҟны аинфраструктура аргылара иақәхарџьуп 480 миллиард мааҭ аԥара. Абри атәы аанацҳаит Sputnik Южная Осетия.
"Россия-2018" аиҿкааратә еилакы ахантәаҩы Алексеи Сорокин иазгәеиҭеит ачемпионат аҽазыҟаҵара ҭышәынтәаланы, ишазыԥхьагәаҭаз еиԥш ишымҩаԥысуа.
"Иахьазы аргыларақәа рыхәԥса иартәахьеит 480 миллиард мааҭ аԥара. Аргыларақәа ракәзар дара ахьымҩаԥааго инхо ауааԥсыра рзы ԥхьаҟазы ихәарҭахоит", — иҳәеит иара.
Сорокин иажәақәа рыла иҟарҵо ауснагӡатәқәа ирзоужьу аамҭа иақәшәо иҟоуп.
