АҞӘА, ажьырныҳәа 29 — Sputnik. Apple ацшьаҭаркҩы Стив Возниак биткоинқәа шиҭииз Стакгольм имҩаԥысуаз абизнес-форум аҿы ирылеиҳәеит. Абри атәы аанацҳауеит РИА Новости, Business Insider адыррақәа шьаҭас иҟаҵаны.
Акриптовалиута ахәԥса 20 нызқь доллар рҟынӡа ианхала Возниак имаз биткоинқәа иҭиирц иӡбеит.
"Сара урҭ рыхәԥса аиҭакрақәа рышьклаԥшра сыгәҭакым, уссгьы исымам", — иҳәеит иара.
Ииасыз ашықәс, ԥхынҷкәынмзазы ибиткоинқәа иҭиит Емиль Ольденбург — аилахәыра Bitcoin.com ацшьаҭаркыҩцәа руаӡәк.
Абизнесуаҩ иажәақәа рыла биткоин еилахәаахәҭратә валиутак аҳасаб ала аԥеиԥш амам.
