Аринг аҿы Игор Адлеибеи Олег Иаценкои еиԥылоит

© Sputnik Игорь Адлейба
Игорь Адлейба - Sputnik Аҧсны
Анапаҵаҩра
НовостиTelegram
Апрофессионалтә бокс жәларбжьаратәи ахәылԥаз "Гладиатор" мҩаԥысраны иҟоуп хәажәкыра 17 рзы. Иара иалахәхоит аԥснытәи аспортсменцәа ҩыџьа.

АҞӘА, хәажәкыра 16 – Sputnik, Сариа Кәарацхьелиаԥҳа. Аԥснытәи аспортсмен Игор Адлеиба аринг аҟны диеисараны дыҟоуп урыстәылатәи аспортсмен Олег Иаценко Анапа имҩаԥысраны иҟоу апрофессионалтә бокс жәларбжьаратәи ахәылԥаз "Гладиатор" аҿы.

Батал Чежия - Sputnik Аҧсны
Апрофессионалтә бокс ахәылԥаз "Гладиатор" иалахәхоит ҳбоксиорцәа

Абри Sputnikакорреспондент илзеиҭеиҳәеит аспорт азы аҳәынҭқарратә Еилакы ахантәаҩы ицхырааҩ Артур Адлеиба.

"Игори Олеги аиндаҭлара мҩаԥыргахьеит. Усҟан Игор актәи араунд аҿы накаут ала аԥыжәара игеит. Уажәы урыстәылатәи аспортсмен иҭахуп ацкыҟаҵара", — иҳәеит иара.

Игор аԥхьа уи мап ацәикыр иҭахын.

"Игор иҭахуп аҽа ҩаӡарак, аҽа ԥышәак аиура. Аха аиҿкааҩцәеи иара сареи агәра иҳаргеит 19 шықәса мацара анухыҵуа аҭакҟаҵарахь иуԥхьозар, уи акы уаанагоит ҳәа ишеилкаатәу", — иҳәеит Адлеиба.

Игор ихаҭа иажәақәа рыла ақәгылара дазыхиоуп.

"Уаҵәы аисара мҩаԥаагараны ҳаҟоуп Олеги сареи. Ҳабжьарагьы акәаԥ ргылахоит. Адгылара сызҭо сџьынџьуаа ҭабуп ҳәа расҳәар сҭахуп, Аԥсны аспорт азы аҳәынҭқарратә Еилакы ҭабуп ҳәа азысҳәар сҭахуп", — иҳәеит Игор Адлеиба.

Ахәылԥаз иара убасгьы далахәхоит Аԥснытәи аҽа спортсменкгьы – Баҭал Чежьиа. Аринг аҟны диқәшәеит Даӷьысҭантәи аспортсмен Мурад Далхаев.

Ажәабжьқәа зегьы
0