Ацәыргақәҵа "Гордость Юга" аҿы аԥсуа лашәарыцақәа "хәба-хәба" роуит

© Sputnik Анжелика Бения Охотники из Абхазии со своими легавыми едут в Ростов
Охотники из Абхазии со своими легавыми едут в Ростов - Sputnik Аҧсны
Анапаҵаҩра
НовостиTelegram
Хәажәкыра 25 рзы Ростов имҩаԥысуаз ашәарыцалақәа рцәыргақәҵа "Гордость Юга" Аԥснытәқәагьы рылахәын.

АҞӘА, хәажәкыра 28 — Sputnik, Анжелика Бениаԥҳа. Хәажәкыра 25 рзы Ростов имҩаԥысуаз ашәарыцалақәа рцәыргақәҵа "Гордость Юга" Аԥснытәқәагьы рылахәхеит, иреиҳау ахәшьара "хәбақәа" роуит ҳәа ааицҳаит ашәарыцаҩ Шамиль Бигәаа.

Охотники из Абхазии со своими легавыми едут в Ростов - Sputnik Аҧсны
Аԥснытәи алақәа Ростов имҩаԥысуаз ашәарыцалақәа рцәыргақәҵа иалахәын

"Аԥснытәи ашәарыцаҩцәа асеиԥш иҟоу ауснагӡатәқәа рылахәра еснагь рҽазыршәоит. Убас, 2010 шықәса рзы англиатәи асеттерқәа рыжәла ашьаҭаркра 120-шықәса ахыҵра ацеремониа иалахәын. Акомандатә зшьаҿы актәи аҭыԥ ааныркылеит. Асовет еидгыла ианаамҭаз иреиӷьу англиатәи асеттерқәа Аԥсны ауп иахьыҟоу ҳәа ишьан. 90% ҳлақәа шәарыцоит, итәам. Ацәыргақәҵа аихшьаалақәа ҳинтузиастцәа акыр ргәы шьҭнахит. Алақәа зегьы "хәба-хәба" роуит. Усеиԥш ахәшьара зауа астандартқәа зегьы ирықәшәо алақәа роуп", — иҳәоит Бигәаа.

Ацәыргақәҵа ахықәкы иреиӷьу ашәарыца-ла хкқәа ралыԥшаареи ашәарыцацәа реилазаара алахәылацәа реинырреи роуп. Ацәыргақәҵа иалахәхоит 10-мз инаркны 10-шықәса рҟынӡа зхыҵуа алақәа. Аԥснынтәи ацәыргақәҵахь иалахәын хҩык ашәарыцацәеи алақәа аабеи.

Шамиль иакәзар уахь инеигоит англиатәи апоинтер жәла иаҵанакуа Босси Золлии.

Ашәарыцалақәа зхатәу рлақәа рӡыргара адагьы дара даргьы еиныруеит, рԥышәа еимырдоит, акинологцәа рҟынтәи абжьагарақәа роуеит. Алақәа зааӡо рзы акраҵанакуаны иҟоуп рааӡамҭақәа ацәыргақәҵахь рнагара.

"Егьырҭ арегионқәеи ҳареи ҳаинырлароуп. Еиӷьу алажәлахкқәа рҿиалатәуп. Ҳаԥхьаҟа ацәыргақәҵақәа иҵегь ҟалап ҳәа ҳгәыӷуеит", — иҳәеит Шамил Бигәаа.

Ацәыргақәҵа мҩаԥнагоит алааӡара аклуб арегионалтә уаажәларратә еиҿкаара "Виват".

Ажәабжьқәа зегьы
0