Ухыза заҟароу дырны, ушьапы еиҵых

CC0 / / Лестница
Лестница - Sputnik Аҧсны
Хәажәкыра 29 аҽны, Аԥсны аминистрцәа реилазаараҿы ирылаҳәан "Аԥсуа енциклопедиа" захьӡу аҭҵаарадырратә центр ҿыц шаарту. Аинститут ҿыц аԥҵара иацу ауадаҩрақәеи, иаго аҳарџьи ртәы дазааҭгылоит Sputnik аколумнист Елеонора Коӷониаԥҳа.

Аԥсны иаартуп иҿыцу Аҳәынҭқарратә ҭҵаарадырратә усҳәарҭа Аҭҵаарадырратә центр "Аԥсуа енциклопедиа" захьӡу. Аԥхьаҩ ухаҵкы, игәаласршәар сҭахуп ҳара ишҳамоу Аԥсны аҭҵаарадыррақәа ракадемиа иаҵанкуа Д. Гәлиа ихьӡ зхыу Аԥсуа ҭҵааратә институт. Уи аинститут аҿы иаԥҵоуп аенциклопедиа аҟәша, уаҟа аус руеит хәҩык рҟынӡа аҵарауаа.

2015 шықәсазы Аԥсуа ҭҵааратә институт аҵарауаҩ  Уасил Аҩӡба инапхгарала иҭнажьит зеиӷьыҟам "Аԥсуа биографиатә жәар". Ари ашәҟәы знапаҿы изкхьоу игәарымҭар ауамызт, уи  гьамала ишеиҿкаау,  аԥсуа ҭоурых аҿы зышьҭа анызгаз ауаа рнысымҩақәа шану. 

Конституция РА. - Sputnik Аҧсны
Акәты ашьыга, ашьапхыц иҵнахуеит

Аенциклопедиақәа рҭыжьра хымԥадатәиуп ҳара ҳҳәынҭқарразы, аха зеилкаара уадаҩхаз, избан Д. Гәлиа ихьӡ зху аинститут ашҭа иҭыганы, ари аҭҵаарадырратә хырхарҭа хазы иҟоу усҳәарҭаны аиҿкаара заҭаххаз ауп. Зегь раԥхьаӡа иргыланы, ацентр ҿыц аиҿкаара иаҭахуп ахарџь, уи иацуп еиуеиԥшым афинанастә уадаҩрақәа.

Аԥсны ахада Рауль Ҳаџьымба иусура нап анаиркуаз ажәлар ирылеиҳәеит аоптимизациа нап шаиркуа, даҽакала иаҳҳәозар аусурҭатә ҭыԥқәа реилацалара игәы шҭоу. Уи хшыҩзышьҭра ду ауҭаратәы иҟан, аха анаҩстәи алҵшәақәа уамак "аҽаҩра ҳнамҭеит". Зхы ду беиа избо аԥсуаа зегь рыхьӡала аусҳәарҭақәа рыхтра аекономика азы ихәарҭам, уи хыда-гәыда аԥара аныхра иахаҿроуп.

Хәажәкыра 29 аҽны, Аԥсны аминистрцәа реилазаараҿы ирылаҳәан "Аԥсуа енциклопедиа" захьӡу аҭҵаарадырратә центр ҿыц шаарту, уи хадас дшаҭоу аҵарауаҩ, Д. Гәлиа ихьӡ зху аинститут акыраамҭа иахагылаз, уажәы алитература аҟәшаҿы аус зуа, аамҭак азы Рауль Ҳаџьымба президентс данықәгылаз ахаҭыԥуаҩраз ивагылаз Уасил Аҩӡба.

Празднование 90-летия театра им. Маяковского - Sputnik Аҧсны
Итәан ирымбаз, дгылан ихы дирбон

Аиашазы, аҵарауаҩ Аҩӡба аҭҵаарадырразы аџьабаа збахьоу уаҩуп, хыхь зыӡбахә ҳамаз "Аԥсуа биографиатә жәар" редактор хадас иамазгьы иара иоуп, аха ҵаҵӷәыс имоузеи, ҷыдала ари ацентр ҿыц аԥҵара ҳәа азҵаатәы цәырымҵыр ауам.

Хымԥада угәы азҩар ауеит, аинститут аԥҵоуп анкьа апрезидент гәрагас имаз, изааигәаз аҵарауаҩ ҭыԥда днымхарц азы акәзар ҟалоит ҳәа, мамзар Гәлиа ихьӡ зхыу аинститут аҿы аус зуа аенциклопедиа аҟәша шыҟоу иҿыцу, ахарџь зцу даҽакы аԥҵара зызҳәахарызеи?!

Аминистрцәа реилазаараҿы ари азҵаатәы анцәырҵ, уи зыбжьы ақәзыргаз аекономика аминистр Адгәыр Арӡынба иоуп. "Ҳара иҳамоуп аҭҵаарадырратә институтқәа маҷымкәа, избан аҿыц заԥҵатәу?", — дҵааит аекономиа иазхәыцуаз ачынуаҩ Арӡынба. Уи аҭакс Аԥсны аԥыза-министр иҳәеит "Аԥсны ахада март 2017 ш ақәҵара шыҟеиҵахьаз".

Аминистрцәа реилазаара иауалуп аинститут ҿыц аԥҟаԥҵәеи, аструктуреи, абиуџьети раԥҵара.

Маски - Sputnik Аҧсны
Атеатр ацәа зыҟәну аполитика

Ажәакала, хыхь иӡбын Аԥсуа енциклопедиа алахьынҵа, ҵаҟа уи анагӡара руалуп. Аԥсны анапхгара рықәгыларақәа рҿы акырынтә иазгәарҭахьеит, афинанстә уадаҩрақәа шырацәоу ҳтәылаҿы, аха убри аамҭазы, аԥара аиҷаҳара аҭыԥан аҭҵаарадырратә институтқәа рыклонқәа реиҿкаара мҩас ишьҭырхит. Аҳәынҭқарраҿы ас аус анеиҿкаау, атәыла аекономика аизырҳара уадаҩхоит.

Уажәы ацентр ҿыц ахада ихаҭыԥуаҩ, имаӡаныҟәгаҩ, аенциклопедиа аус адызулало аусуҩцәа, аԥссаҩ, аҳасабеилыргаҩ, аинститу аҭыӡҭыԥ, аслужебка, атехника уҳәа, ҳтәылаҿы иҟам аԥара аныхга апроцесс иалагашт.

Аԥсуа енциклопедиа захьӡу ацентр аԥҵара хықәкыс иамоу атәы ҳазааҭгылозар, Аԥсны иазку зхырхарҭа рацәоу аенциклопедиатә усумҭақәа рҭыжьра ауп. Аидеиа даара ибзиоуп, аха Гәлиа ихьӡ зхыу аинститут аҿы иаԥҵоу аенциклопедиа аҟәша аҭагӡара аҭыԥан, аԥсуа енциклопедиа аҭыжьреи аиқәыршәареи "хазы анырхара" иҵаӡӷәыдоу хҭысуп ҳҳәар ауеит арантәи ҳахьынаԥшуа.

Атәыла ахада анкьа идгылоз зегь рыхьӡала ацентрқәа ааиртуа далагар, Аԥсны центрла ихҟьаны иҟалар алшоит, уи Аԥсуа ҳәынҭқарра аекономика иабахәагәышьо ҳамҳәозар.

Ухыза заҟароу дырны, ушьапы еиҵх аҳәоит аԥсуа жәаԥҟа…

Автори аредакциеи ргәаанагарақәа еиқәымшәозар ҟалоит.

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа