АҞӘА, мшаԥы 3— Sputnik. Шықәсык аԥхьа петербургтәи аметро аҿы иҟаз атеракт аганахь ала Урыстәыла ашьаусҭҵааратә Еилаки Афедералтә шәарҭадаратә маҵзуреи ишьақәдыргылеит аметро аҿы атеракт аҿаҵаҩы, аиҿкааҩцәа, анагӡаҩцәа. Абри атәы аанацҳауеит РИА Новости, ашьаусҭҵаара Еилакы ахаҭарнак Светлану Петренко лажәақәа ҵаҵӷәыс иганы.
Лара илҳәеит атеракт мҩаԥызгаз дара дара шзеибамдыруаз, аха ирадикалтәу аԥсылман еиҿкаарак ишатәыз. Дара дара амессенџьер ала еиныруан. Иагьырыԥшааит аелектронтә шьҭақәа ҳәа изышьҭо анализ ала.
Петренко илҳәеит аусҭҵаараан жәеизаҩык ауаа шаанкыло. Аусҭҵаара ахыркәшара рацәак агым лҳәеит лара.
Ҵыԥх, астанциақәа "Сенная площадь" "Технологический институт-2" рыбжьара аԥжәара ҟалеит. Иҭахеит 16-ҩык ауааԥсыра, атеррорист-аҽшьҩы Акбаржон Джалилов дназлаз.
Урыстәыла ашьаусҭҵааратә Еилаки Афедералтә шәарҭадаратә маҵзуреи ишьақәдыргылеит аметро аҿы атеракт аҿаҵаҩы, аиҿкааҩцәа, анагӡаҩцәа.
