АҞӘА, мшаԥы 5– Sputnik. Қырҭтәыла Аԥыза-министр Георги Квирикашвили "Шаг к лучшему будущему" захьӡу аԥшьгамҭа ҟаиҵеит. Абри аԥшьгамҭа ахҳәаа аҭо Аԥсны Адәныҟатәи аусқәа рминистр Даур Ақаҩба иҳәеит ҳаизыҟазаашьақәа еиӷьызтәуа Аԥсны ахьыԥшымра азхаҵароуп ҳәа.
"Аԥсны-ихьыԥшыму, исуверентәу ҳәынҭқарроуп. Уаҵәазы еиӷьу ҭагылазаашьаны иҟалар зылшогьы Қырҭтәыла Аԥсны ахьыԥшымра азхаҵареи аҳәынҭқаррабжьаратә диалог амҩаԥгареи роуп. Ари апроцесс иаваҟәало аҽа усхкык ыҟаны иҟам", — иҳәеит Аԥсны Адәныҟатәи аусқәа рминистр Даур Ақаҩба.
Иара убасгьы иазгәеиҭеит Қырҭтәыла аҽазныкгьы адунеитә еилазаара ажьара хықәкыс иҟанаҵеит ҳә. Иара игәаанагарала урҭ рыгәҭакқәаҵәҟьа мцԥаршеила ихырҩоит.
Қырҭтәыла Аԥыза-министр Георги Квирикашвили "Уаҵәтәи амш ахь ашьаҿа" захьӡу аԥшьгамҭа ҟаиҵеит. Иара игәаанагарала аԥшьгамҭа азырхоуп Аԥсни Аахыҵ Уаԥстәылеи руааԥсыра ргуманитартәи рсоциал-економикатәи ҭагылазаашьа аиӷьтәра.
