АҞӘА, мшаԥы 5— Sputnik. Атәылақәа рхадацәа алацәажәеит ԥхьаҟатәи рыпланқәа ртәы Анкара имҩаԥыргаз апресс-конференциаҿы ҳәа аанацҳауеит Sputnik Молдова асаит.
Ҭырқәтәыла сынтәа иазыԥшуп 6 миллионк рҟынӡа урыстәылатәи атуристцәа аҭаауеит ҳәа иҳәеит Ҭырқәтәыла Ахада Таип Ердоган.
"Ҵыԥхтәи ашықәс азы Ҭырқәтәылатәи аԥсшьарҭаҭыԥқәа рҟны рыԥсы ршьеит 4,7 миллионҩык урыстәылатәи атуристцәа. Сынтәа ҳазыԥшуп 6 миллионҩык рҟынӡа ҳҭаап ҳәа", – иҳәеит Ердоган.
Иара убасгьы иҳәеит Ҭырқәтәылеи Урыстәылеи рыбжьара акультуратә еимадарақәа аҿиара ду шрымоу.
"Иҟан ҳаизыҟазаашьақәа ԥхасҭазтәыр зҭахыз, аха ҳара аԥышәара "хәба" ҳәа иаҳҭиит. Ҳаизыҟазаашьақәагьы еиҳагьы иҭбаахеит", — иҳәеит Ердоган атәылақәа рыҩба рҭагылазаашьа далацәажәо.
Урыстәыла Ахада Владимир Путин аҳәамҭа ҟаиҵеит Реджеп Таип Ердогани иареи шеилацәажәаз акомплексқәа С-400 Ҭырқәтәылаҟа рыҭиразы.
Иара убасгьы иҳәеит Урыстәылеи Ҭырқәтәылеи егьырҭ арбџьармч-ааглыхратә хырхарҭаҿы русеицура иацырҵар шыҟало.
