"Агәыӷра ҳамоуп урыстәылатәи ашәҟәҭыжьырҭақәа ишыҭрыжьыз еиԥш арҵагашәҟәқәа ахә рацәак ацымҵакәа Аԥснынӡа иааны аҭаацәа иаархәартә еиԥш аҟаҵара. Уимоу, адгылара ҳауп ҳәа ҳгәыӷуеит убарҭ арҵагашәҟәқәа Аԥсны реиҭаҭыжьра азин ыҟазарц, уи анаҩс ашәҟәы ахә акырӡа иланарҟәуеит. Ҳазааҭгылан иахьа ҳашколтә системаҿы иҟоу аиқәымшәарақәа, аҵаҩцәа даҽа ҭахрақәак рымоуп аҵараҿы, зыӡбахә сымоу аинтернет ахархәара ауп. Ирацәахеит аҵаҩыи арҵаҩы анеизеилибамкаауа аамҭа. Уи иаанаго уи ауп, ҳарҵаҩцәа дара зхысыз аҵаратә системеи аҵаҩцәа ирымоу аҭахракәеи еиқәшәом, абри ицәырнаго аконфликт аҵара ԥырхага анаҭоит. Ари азҵаарала агәаанагарқәа еиуеиԥшымызт, аха ԥышәақәак урыстәыла зхархәара ыҟоу, алҵшәақәа аазышьҭхьоу, ҳара иҳамардартә еиԥш атагылазаашьа ҳзаԥырҵоит", — иҳәеит Какоба арадио Sputnik Аԥсны аефир аҟны.
Какоба: Аԥсныҟа иаауа арҵагашәҟәқәа рыхә армаҷра амҩақәа азыҳаԥшаауеит
16:26 26.04.2018 (ирҿыцуп: 17:22 26.04.2018)
© Sputnik / Томас Тхайцук
Анапаҵаҩра
Москватәи аҵаратә салон аҳәаақәа ирҭагӡаны имҩаԥган Урыстәылеи Аԥсныи Аахыҵ- Уаԥстәылеи аҵара аминистрцәа рхатарнакцәа реиԥылара. Уаҟа излацәажәаз атәы арадио Sputnik Аԥсны аҟны еиҭеиҳәеит аҵареи аҭҵаарадырреиқәеи рминистр инапынҵақәа назыгӡо Адгәыр Какоба.
"Ҳазлацәажәаша ҳамоуп": Какоба Москва имҩаԥысыз аиԥылара иазкны
