АҞӘА, мшаԥы 26 – Sputnik. Зегьы ирҭахуп аԥхьатәи анхарҭақәа рыҭира аха имаҷҩуп уи зырзо, иҳәеит Аҟәатәи ақалақьтә еизара ахантәаҩы Константин Ԥлиа.
Ԥлиа агәра игоит аҿиара змам ақалақь араионқәа рҟны ауадақәа рыҭира хәарҭахоит ҳәа. Иара убри аан иаазхәо Аԥсны атәылауаҩра иҭара хымԥадатәины иҟаҵатәым. Уи адагьы дарбанызаалак анхарҭаҭыԥ аазхәарц зҭаху иҭҵаара ахәҭаны иҟоуп иахәҭоу аусбарҭақәа рҿы.
Иара иҳәеит ари атема ақалақьтә еизара адепутатцәа рыбжьарагьы аимак-аиҿак шцәырнагахьо.
"Атема алацәажәараан аимак-аиҿак цәырҵит. Сара сгәаанагарала абри апроцесс иалахәхароуп ашәарҭадаратә маҵзура Аусбарҭа. Аԥхьатә нхарҭаҭыԥқәа рыҭира ҳаҿиара иамыцхраауазар иаԥырхагам, аха ауаа макьаназ уи алацәажәара иазыхиам", — иҳәеит иара.
Константин Ԥлиа иажәақәа рыла аҭира иаҿагыло ауаа мзызны иадырбо адгьылтә кадастри азакәанԥҵареи ахьазырхиам ауп.
Ақалақьтә еизара ахантәаҩы иҳәоит абри аус ақалақь ауааԥсыра рхыԥхьаӡара аиҳатәреи аахәаратә лшареи ишырзырхо. Аидеиа ҳаналацәажәоз аԥхьаҵәҟьа зегьы ҳарзеилымкаауазаргьы, нас ишәаны изаны ианрызнаага азакәан адкылара ауаны ирбеит. Ҳәарада убри аан ихымԥадатәиуп ахьчаратә механизм аус адуларагьы ҳәа иҳәоит Ԥлиа.
Игәаанагарала азҵаара Урыстәыла анапхгарагьы адыԥхьаланы иалацәажәатәуп.
