"Сабду Иуа Адлеиба "Иҟаԥшьу аеҵәа" ҳәа аҳаҭыр зқәу аорден ианашьоуп. Белоруссиа Горны ҳәа хьӡыс измаз аҭыԥ анемеццәа рнапаҟны иҟан, уи ҭазырцәуаз агәыԥ еиҳабыс даман сабду, иара идҵала иалыршахеит уи аҭыԥ агара. "Подвиг народа" ҳәа иҟоу асаит аҿы ари ахҭыс атәы ҳәоуп, уи ашәҟәқәа рылагьы ишьақәырӷәӷәоуп. Уаҟа иаҳәоит сабду иашьа Польша, Румыниа, Курскаиа дуга, дшеибашьуаз, ианашьоуп "Агәымшәаразы" амедалгьы. Сабду иашьцәа рыхҩыкгьы еибашьра ицеит. Урҭ рахьынтә ҩыџьа ҭахеит. Иуа иакәзар, аибашьраан иҭахаз дырхыԥхьаӡалан, уи атәы зҳәоз ашәҟәгьы ҳауит. Аха, 1946 шықәса рзы иара дхынҳәуеит аҩныҟа, Ҷлоуҟа, уи аамҭазы иаби иани ԥсхьан, аҩны дынханы дыҟан иара иаҳәшьа. Урҭ реибабара шыҟалаз атәы лаӷырӡыда иузеиҭаҳәом. Схәыҷын, аха исгәалашәоит дара ирыбжьаз аизыҟазаашьақәа шаҟа аԥхарра рыҵаз", — илгәалалыршәоит Гәниаԥҳа арадио Sputnik Аԥсны аефир аҟны.
Гәниаԥҳа: ҳҭаацәараҿы ахьаа ду ҳзацуп маи 9
© Sputnik / Томас Тхайцук
Анапаҵаҩра
Аиааира Ду амш аныҳәаз атележурналист Анна Гәниаԥҳа Аибашьра Дуӡӡа иалахәыз лабду Иуа Адлеиба иҭоурых арадио Sputnik Аԥсны аефир аҟны еиҭалҳәеит.
Гәниаԥҳа: маи 9 ҳҭаацәараҿы ныҳәаҵас исгәалашәом, ахьаа ду ацуп
