"Ҳазлацәажәаша ҳамоуп": Коӷониаԥҳа аиқәырхаҩцәа рзанааҭ алзхуа ирызкны
"2010 шықәсазы Урыстәылеи Аԥсныи ирыбжьарҵаз аусеицуреи ацхыраареи рзы аиқәшаҳаҭра аҳәаақәа ирҭагӡаны, сынтәагьы Урыстәыла аҭагылазаашьа ҷыдақәа рминистрра иатәу Москва иҟоу иреиҳаӡоу аҵараиурҭақәа ирҭалеит фҩык абитурентцәа. Урҭ араҟа ԥшь —ԥышәарак ирхысит. Абҩарҵәыразы аԥышәара рыдыркылоит Аԥсны аҭагылазаашьа ҷыдақәа рзы аминистрра аспециалистцәа. Афизикеи, аматематикеи, аурыс бызшәеи рмаҭәарқәа рыла аԥышәарақәа рыдыркылоит аҵара аминистрра аҟынтәи. Жәаҩа-ҩык ҭалар рҭахын, фҩык аанахәеит. Урыстәыла аквотақәа ҳарҭоит ҳҭахрақәа инарықәыршәаны. Аҵара иалганы иаауа, хымԥада, усура ҭыԥла еиқәыршәахоит. Урыстәылаҟа аҵара ицахьоу рахьынтә аӡәгьы иҵара ааныжьны дмаацт", —
лҳәеит Лана Коӷониаԥҳа.
