АҞӘА, лаҵара 29— Sputnik. Америка иаднакылеит аӡбра аамҭала Аҩадатәи Кореиа аганахь ала асанкциақәа раанкылара. Абри атәы аанацҳауеит РИА Новости агазеҭ Wall Street Journal адыррақәа ҵаҵӷәыс иҟаҵаны.
Асанкциақәа ралагалара азыԥхьагәаҭан ҩ-ганктәи асаммит аҟны аиҿцәажәарақәа ахьымҩаԥымгахаз аҭакси иара убасгьы Аҩадатәи Кореиаҟа атәымҳәынҭқарратә мазарақәа рыркьаҿа ахықәкы рымани.
Америка Афинансқәа рминистрра асиа еиқәаҵәа иаҵанакраны иҟан 30 фирма, арахь иаҵанакыр алшон Урыстәылеи Китаии реилахәырақәагьы.
Асиақәа рыдыркылараны иҟан аҩашаҽны.
Аха ЕАШ аделегациеи Пхениан ахаҭарнакцәеи еиԥылеит Пханмунджон, иагьалацәажәеит асаммит аус адуларақәа ишрыцҵахо азы.
Аганқәа ирҳәеит ишақәшаҳаҭу иарбанызаалак аформат ала аиԥылара амҩаԥгара иҟоу аҭагылазаашьа аибарххара аҭышәныртәаларазы. Абри ашьҭахь аганқәа аганқәа аиҿцәажәаратә процесс иазыхынҳәит.
