Шьамтәыла адепутат: Аԥсны азхаҵара - Шьамтәыла аполитика аанарԥшит

© Sputnik / Михаил Воскресенский / Амедиаҵәахырҭахь аиасраФлаг Сирии
Флаг Сирии - Sputnik Аҧсны
Анапаҵаҩра
НовостиTelegram
Аԥсны Аҳәынҭқарреи Шьамтәылатәи Ареспубликеи рыбжьара ахьыԥшымра азхаҵареи адипломатиатә еизыҟазаашьақәа рышьақәыргылареи рзы аҳәамҭа ҟаҵан лаҵара 29 рзы.

АҞӘА, лаҵара 31 – Sputnik. Аԥсныи Аахыҵ Уаԥстәылеи рхьыԥшымра азхаҵо Шьамтәыла иаанарԥшит ахатәы политика, иҳәеит Sputnik аинтервиу азҭаз Шьамтәыла Апарламент аҟны арабтәи атәым ҳәынҭқаррақәеи русқәа рзы аилак ахантәаҩы Бутрус Маржан (Butrus Marjan).

Абхазский флаг. - Sputnik Аҧсны
Тапаӷәуа: Шьамтәылеи Урыстәылеи реизыҟазаашьа иахьатәи амш ахь ҳкылнагеит

"Шьамтәыла иҟанаҵаз ашьаҿа акыршықәса атәыла атерроризм иаҿагыланы ақәԥараҿы адгылара азҭоз атәылақәа ҭабуп ҳәа раҳәароуп. Ари ашьаҿа "мрагыларахь аҽырҭбаара" аполитика иахәҭакуп. Шьамтәыла мрагыларатәи атәылақәеи иареи аекономикатәи аполитикатәи еизыҟазаашьақәа рыбжьазар аҭахуп. Ари аус аҵак ҷыда аманы иҟоуп иахьатәи аамҭазы, мраҭашәаратәи атәылақәа, аиҳарак Америка, асанкциақәа анадҟарҵало", — иҳәеит адепутат.

Бутрус Маржан инаҵшьны иазгәеиҭеит евразиатәи атәылақәа рнырра аҵакы аманы ишиԥхьаӡо.

"Адунеи ҿыц аиҿкаара шьаҭаны иазыҟазароуп аимабзиара, аҳаҭыреиқәҵара, наҟ-ааҟ афеида амазаара. Аиныррақәа аҭахуп аекономика, атуризм, ахәаахәҭра, ааглыхра уҳәа аусхкқәа рҟны", — иҳәеит иара.

Аԥсни Аахыҵ Уаԥстәылеи Шьамтәыла иахьазханаҵаз азы Қырҭтәыла Шьамтәылеи иареи реизыҟазаашьақәа раанкылара апроцедура ахьхацнаркуа ахҳәаа аҭо адепутат иҳәеит Шьамтәыла ахаангьы адипломатиатә еизыҟазаашьақәа мап рыцәнамкыцт ҳәа.

Шьамтәыла еснагь адиалог иазыхиоуп. Иахьа аҭынчреи ашәарҭадареи зҭаху атәылақәа ирҩызоуп иҳәеит иара.

Азхаҵара ахҭыс аҟалара иацхрааит Аԥснытәи аделегациа, злахәыраҿы Аԥсны Адәныҟатәи аусқәа рминистр Даур Ақаҩба, аекономика аминистр Адгәыр Арӡынба, Ахәаахәҭра-ааглыхратә палата ахада Геннади Гагәылиа ыҟаз 2017 шықәса нанҳәамзазы Шьамтәылатәи ареспублика раҭаара. Усҟан урҭ алахәын Дамасктәи жәларбжьаратәи аиармарка.

Ситуация в Сирии - Sputnik Аҧсны
Шьамтәылатәи Ареспублика Аԥсны Аҳәынҭқарра ахьыԥшымра азханаҵеит

"Усҟан имҩаԥган адәныҟаполитикатә усҳәарҭақәа рнапхгаҩцәа реицәажәарақәа, реинырра", — иҳәеит аминистр ицхырааҩ.

Аԥсны аекономика аминистр Адгәыр Арӡынбеи Шьамтәыла адәныҟекономика аминистр Мухаммед Самер Халили алацәажәеит ԥхьаҟатәи реинырра.

2018 шықәса мшаԥымзазы Аԥсны атәылахьчара аминистрра аҳәамҭа ҟанаҵеит Шьамтәыла ацхраара ишазыхио азы.

Еиуеиԥшым адыррақәа рыла 500 000-ҩык рҟынӡа аԥсуаа нхоит ртәыла анҭыҵ. Адиаспора ду нхоит Ҭырқәтәыла, ирацәаҩуп Шьамтәыла, Европа, Америка, Канада инхо. Зынӡа 60 тыла рҟны инхоит аԥсуа хылҵшьҭрақәа.

Лаҵара 28 рзы имҩаԥысит Аԥсны Аҳәынҭқарреи, Шьамтәылатәи Арабтә республикеи, Аахыҵ Уаԥстәылеи рыцҳаражәҳәаҩцәа Урыстәылатәи Афедерациаҟны реиԥылара. Аиԥылараан ацҳаражәҳәаҩцәа акоммиунике атекст еицрыдыркылеит, иахәҭаны иҟаз ашәҟәқәагьы еимырдеит.

Ажәабжьқәа зегьы
0