Аԥснытәи акоманда раԥхьатәи аиааира агеит

© Sputnik / Томас ТхайцукФутбол. Сборная Абхазии-Сборная футбольных команд Абхазии
Футбол. Сборная Абхазии-Сборная футбольных команд Абхазии - Sputnik Аҧсны
Анапаҵаҩра
Лондон ихацыркхеит ConIFA аверсиала ашьапылампыл азы адунеи ачемпионат. Аԥснытәи акоманда раԥхьатәи аиԥылара мҩаԥнагеит. Тибеттәи акомандеи Аԥснытәи акомандеи реицыхәмарраан Аԥснытәи акоманда 3:0 ҳәа аиааира агеит.

АҞӘА, рашәара 1– Sputnik, Анжелика Бениаԥҳа. Лондон ихацыркхеит ConIFA аверсиала ашьапылампыл азы адунеи ачемпионат. Аԥснытәи акоманда раԥхьатәи аиԥылара мҩаԥнагеит. Тибеттәи акомандеи Аԥснытәи акомандеи реицыхәмарраан Аԥснытәи акоманда 3:0 ҳәа аиааира агеит.

Ахәмарра мҩаԥысуан лаҵара 31 рзы Лондонтәи астадион "Enfield Town FC" аҿы.

15 аминуҭ аҟны аԥснытәи акоманда ажәылаҩ Руслан Ахвледиани актәи ампыл амба иҭаиршәит, аҩбатәи ампыл 60-тәи аминуҭ азы иҭаиршәит ажәылаҩ Дмитри Маскаев, ахԥатәи ампыл ҭаиршәит – Руслан Шьониа.

Амба дҭагылан Алексеи Бондаренко.

Рашәара 2 рзы имҩаԥгахараны иҟоуп Карпаталиеи Аԥсни реицыхәмарра, рашәара 3 рзы – Аҩадатәи Кипри Аԥсни реицыхәмарра.

Аԥснытәи акоманда актәи ахәмарра мҩаԥысит лаҵара 31 рзы. Еицыхәмаруан Аԥсни Тибети ркомандақәа.

Актәи агәыԥ иалоуп акомандақәа: Барава, Каскадиа, Елан Ванин, Тамил Еелам. Аҩбатәи агәыԥ —Аԥсны, Аҩадатәи Кипр, Тибет, Фельвидека (Словакиа инхо авенгрцәа). Ахԥатәи агәыԥ – Паданиа, Кирибати, Матабелеленд, Сикеитәи атәылаҿацә. Аԥшьбатәи агәыԥ иалоуп: Пенджаб, Мраҭашәаратәи Ермантәыла, Кабилиа, Иапониа инхо акорееццәа.

Адунеи ачемпионат амҩаԥгара арыцхә шьақәырӷәӷәан цәыббра 3 рзы Ихьыԥшым ашьапылампылтә еиҿкаара аӡбрала (ConIFA).

Аԥсны еизгоу акоманда адунеи иачемпионуп. 2016 шықәса рзы Аԥсны имҩаԥысуаз адунеи ачемпионат аҟны аиааира агеит.

ConIFA — FIFA иалахәым ашьапылампылтә командақәа жәларбжьаратәи рконфедерациоуп. Еиҿкаан 2013 шықәса рзы. Аилазаара иалоуп 25 инареиҳаны команда.

Ажәабжьқәа зегьы
0