Аҟәатәи аџьармыкьаҿ ауҭраҭыхи ашәыри астандартқәа ирықәшәоит

© Sputnik / Томас ТхайцукФрукты и овощи на Сухумском рынке.
Фрукты и овощи на Сухумском рынке. - Sputnik Аҧсны
Анапаҵаҩра
Агроааглыхратәи афитосанитартә експертизеи рлабараториа аиҳабы Роза Ҭаниаԥҳа Sputnik иазеиҭалҳәеит аџьармыкьаҿ ауҭраҭыхи ашәыри аҭирахь инаргаанӡа агәаҭара ишахысуа.

АҞӘА, рашәара 26 – Sputnik. Агроааглыхратәи афитосанитартә експертизеи рлабараториа аиҳабы Роза Ҭаниаԥҳа Sputnik иазеиҭалҳәеит аџьармыкьаҿ ауҭраҭыхи ашәыри аҭирахь инаргаанӡа агәаҭара ишахысуа, иагьазгәалҭеит урҭ ишьақәыргылоу анормақәа ишрықәшәо.

"Ҳара агәаҭарақәа мҩаԥаагоит Аҟәа, Гагра, Очамчыра, Гал рџьармыкьа хадақәа рҟны. Раион-цыԥхьаӡа апунктқәа ҳамоуп. Аҭыԥантәии аимпорттәии аалыҵ зегь гәаҳҭоит. Ахаҭабзиара ҳашьклаԥшуеит", — ҳәа еиҭалҳәоит Ҭаниаԥҳа.

Алабораториа аусзуҩцәа ес-шьыжьы игәарҭоит ауҭраҭыхи ашәыри ирылоу анитратқәа рхыԥхьаӡара, уи алҵшәақәа рыла аршаҳаҭгақәа рырҭоит.

Зны-зынла ашәырқәеи ауҭраҭыхқәеи уахьрыхәаԥшуа малырк рыман иҟам, рыҩныҵҟа акәзар – ибаауп.

"Ҳәарада ҳусура ауадаҩрақәа ацуп. Зны-зынла ашәырқәеи ауҭраҭыхқәеи уахьрыхәаԥшуа малырк рыман иҟам, рыҩныҵҟа акәзар – ибаауп. Убас, ааигәа 250 кьыла ашәыр кажьтәхеит. Атауар архынҳәрагь апроблемақәа ацуп. Ауаҩы аџьа баны даарыхит, арахь икажьтәхеит. Уи акыр иуадаҩуп", — ҳәа еиҭалҳәоит алабораториа аиҳабы.

Иахьазы алабораториа иамоуп алшара анитратқәа рыҟазаара ашьақәыргылара, аха Роза Ҭаниаԥҳа ишылҳәо ала еиҳа инарҵауланы аҭҵааразы амыруга ҿыцқәа раахәара рыгәҭакуп.

Ажәабжьқәа зегьы
0