АҞӘА, рашәара 27 — Sputnik. Урыстәылатәи акомплексқәа С-400 Ҭырқәтәыла иахьаанахәо Вашингтони Анкареи реизыҟазаашьақәа ҵнашәаауеит ҳәа иԥхьаӡоуп ҳәа аанацҳауеит РИА Новости, ЕАШ Европеи Евразиеи русқәа рзы Аҳәынҭмаӡаныҟәгаҩ ицхырааҩ Уесс Митчелл иажәақәа ҵаҵӷәыс иганы.
"Ҳара Ҭырқәтәыла иаартны иаҳардырит С-400 аахәара ахылҿиаақәа шаиуазы. Азакәан "Асанкциақәа рыцхыраарала Америка аӷацәа рҿагылара" инақәыршәаны асанкциақәа алаагалоит" — иҳәеит иара асенат аҿы.
Ҭырқәтәылеи Урыстәылеи рнапы зҵарҩыз адокумент инақәыршәаны Анкара иаанахәараны иҟоуп абатареиақәа ЗРК ҩба. Иара убасгьы аганқәа алацәажәеит арҭ акомплексқәа Ҭырқәтәыла рҭыжьразы атехнологиатә усеицура амҩаԥгара.
