АҞӘА, ԥхынгәы 2 — Sputnik. Португалиатәи акоманда ажәылаҩ Криштиану Роналду аҳәамҭа ҟаиҵеит Урыстәыла имҩаԥысуа ашьапылампыл азы адунеи Ачемпионат аиҿкаашьа дшыхнахыз азы.
"Аиҿкаара ду амоуп. Ашәарҭадараз аусурақәа шьахәны еиҿкаауп. Даара агәахәара снаҭеит избаз зегьы", — ҳәа Роналду иажәақәа еиҭанаҳәоит аҭыжьымҭа Globo Esporte.
Португалиа еизгоу акоманда асабша, Шәача ақалақь аҟны Уругваи акоманда ианрыцыхәмаруаз 1:2 ҳәа иаҵахеит. Роналду икоманда ахәмаррақәа зегьы дрылахәын, ԥшь-мпылк ҭаиршәит.
1/8 финал ахәмаррақәа: Урыстәыла-Испаниа (ԥхынгәы 1, Москва), Хорватиа- Даниа (ԥхынгәы 1, Новгород), Бразилиа-Мексика (ԥхынгәы 2, Самара), Бельгиа-Иапониа (ԥхынгәы 2, Ростов-на-Дону), Англиа-Колумбиа (ԥхынгәы 3, Москва), Швециа-Швеицариа (ԥхынгәы 3, Санкт-Петербург).
Ашьапылампыл азы адунеи ачемпионат ахәмаррақәа мҩаԥысуеит: Москва, Калининград, Санкт-Петербург, Волгоград, Казань, Новгород, Самара, Саранск, Ростове-на-Дону, Екатеринбург, Шәача.
